T20 World Cup 2026 : टी20 वर्ल्ड कप 2026 मध्ये टीम इंडियाचा सलामीवीर अभिषेक शर्मा सलग तीन सामन्यांमध्ये शून्यावर बाद झाला आहे. त्याचा खराब फॉर्म कायम असून, सलग डकआउटमुळे त्याच्या नावावर नकोसे विक्रम नोंदवले गेले आहेत.
जगातील नंबर 1 फलंदाज, हे काय? सलग तिसऱ्यांदा शून्यावर बाद
जगातील नंबर 1 टी20 फलंदाज म्हणून ओळखला जाणारा अभिषेक शर्मा सध्याच्या टी20 वर्ल्ड कपमध्ये अत्यंत खराब फॉर्ममध्ये आहे. नेदरलँड्सविरुद्धच्या सामन्यात तो पुन्हा शून्यावर बाद झाला. या स्पर्धेतील त्याचा हा सलग तिसरा डकआउट आहे.
26
नेदरलँड्सच्या फिरकीपटूच्या जाळ्यात अडकला अभिषेक शर्मा
भारताने नाणेफेक जिंकून फलंदाजी निवडल्यानंतर, नेदरलँड्सचा कर्णधार स्कॉट एडवर्ड्सने फिरकीपटू आर्यन दत्तला गोलंदाजी दिली. पहिल्याच षटकात अभिषेकने अनावश्यक शॉट खेळण्याचा प्रयत्न केला आणि तो क्लीन बोल्ड झाला.
36
अभिषेक शर्माने केली संजू सॅमसनच्या नकोशा विक्रमाची बरोबरी
या डकआउटमुळे, अभिषेक शर्माने 2026 या कॅलेंडर वर्षातील आपला पाचवा टी20 डकआउट नोंदवला. यापूर्वी 2024 मध्ये संजू सॅमसनने एकाच वर्षात पाच वेळा शून्यावर बाद होण्याचा नकोसा विक्रम केला होता.
टी20 वर्ल्ड कपच्या इतिहासात सलग तीन सामन्यांत शून्यावर बाद होणाऱ्या खेळाडूंच्या यादीत अभिषेक शर्माचा समावेश झाला आहे. यापूर्वी भारताकडून आशिष नेहराने हा नकोसा विक्रम केला होता.
56
गावसकरांच्या सल्ल्याकडे दुर्लक्ष करत...
सुनील गावसकरांनी अभिषेकला आधी एक धाव काढून खाते उघडण्याचा सल्ला दिला होता. पण नेदरलँड्सविरुद्धही त्याने मोठी धाव घेण्याच्या नादात आपली विकेट गमावली. एका वर्षात सर्वाधिक डकआउटचा विक्रम त्याच्या नावावर होऊ शकतो.
66
अभिषेक शर्माच्या आशा आता सुपर 8 वर
या वर्ल्ड कपमध्ये आतापर्यंत खेळलेल्या आठ चेंडूंमध्ये अभिषेकला एकही धाव करता आलेली नाही. आता 22 फेब्रुवारीला दक्षिण आफ्रिकेविरुद्ध होणाऱ्या सुपर 8 सामन्यात तो फॉर्मात परतेल, अशी चाहत्यांना आशा आहे.
