मनू भाकर, डी. गुकेशसह ४ जणांना मिळणार 'खेलरत्न'; राष्ट्रीय क्रीडा पुरस्कार जाहीर

राष्ट्रीय क्रीडा पुरस्कारांची घोषणा झाली असून, मनु भाकर, डी. गुकेश, हरमनप्रीत सिंग आणि प्रवीण कुमार यांना खेल रत्न पुरस्काराने सन्मानित करण्यात येणार आहे. ३० खेळाडूंना अर्जुन पुरस्कार मिळणार आहे.

नवी दिल्ली: राष्ट्रीय क्रिडा पुरस्कारासाठी निवडलेल्या खेळाडूंची घोषणा करण्यात आली आहे. शूटर मनु भाकर आणि वर्ल्ड चेस चॅम्पियन डी. गुकेश यांच्यासह चार खेळाडूंना खेल रत्न पुरस्कार मिळणार आहे. यामध्ये हॉकी संघाचा कर्णधार हरमनप्रीत सिंग आणि पॅरा ऍथलीट प्रवीण कुमार यांचीही निवड झाली आहे. ३० खेळाडूंना अर्जुन पुरस्कार दिला जाईल.

मनुने पॅरिस ऑलिम्पिकमध्ये डबल मेडल जिंकले

मनु भाकरने ऑगस्ट-सप्टेंबर महिन्यात आयोजित पॅरिस ऑलिम्पिक गेम्समध्ये दोन ऑलिम्पिक पदक जिंकली होती. ती १० मीटर एअर पिस्तोल इंडिव्हिज्युअल आणि मिक्स्ड डबल्समध्ये तिसऱ्या स्थानावर राहिली. तिच्या दोन पदकांच्या जोरावर भारताने पॅरिस ऑलिम्पिकमध्ये एकूण ६ पदके जिंकली.

हरमनप्रीतच्या नेतृत्वाखाली भारताने पॅरिस ऑलिम्पिकमध्ये कांस्य जिंकले

हरमनप्रीत सिंगच्या नेतृत्वाखाली भारतीय हॉकी संघाने पॅरिस ऑलिम्पिक २०२४ मध्ये कांस्यपदक आणि एशियन गेम्स २०२२ मध्ये सुवर्णपदक जिंकले. तसेच, हरमनप्रीतने तीन वेळा एफआयएच अवॉर्ड्समध्ये प्लेयर ऑफ द ईयरचा किताब जिंकला आहे.

राष्ट्रीय क्रिडा पुरस्कार हे भारतातील खेळाच्या क्षेत्रात महत्त्वपूर्ण योगदान देणाऱ्या खेळाडू, प्रशिक्षक किंवा संस्थांना त्यांच्या कामगिरीसाठी आणि भारतीय क्रीडाक्षेत्राच्या विकासात योगदानासाठी दिले जातात. या पुरस्कारांत सहा वेगवेगळ्या पुरस्कारांचा समावेश आहे.

भारताच्या राष्ट्रीय खेळ पुरस्कारांत सहा प्रमुख पुरस्कार आहेत : खेल रत्न, अर्जुन पुरस्कार, द्रोणाचार्य पुरस्कार, ध्यानचंद पुरस्कार, मौलाना अबुल कलाम आझाद ट्रॉफी (जिला माका ट्रॉफी असेही म्हणतात) आणि राष्ट्रीय क्रीडा प्रोत्साहन पुरस्कार.

गेल्या वर्षी २६ खेळाडूंना मिळाला होता अर्जुन पुरस्कार

गेल्या वर्षी क्रिकेटर मोहम्मद शमी यांच्यासह २६ खेळाडूंना अर्जुन पुरस्काराने सन्मानित करण्यात आले होते. तर पाच प्रशिक्षकांना द्रोणाचार्य पुरस्कार मिळाला होता. बॅडमिंटनमधील स्टार जोडी सात्विक साईराज आणि चिराग शेट्टी यांना मेजर ध्यानचंद खेल रत्न पुरस्कार प्रदान करण्यात आला होता.

आणखी वाचा-