Mumbai BEST Bus Fire: सायनच्या अणिक डेपोत भीषण आग, १० BEST बसेस जळून खाक; सुरक्षेवर प्रश्नचिन्ह
सार
मुंबईतील सायन येथील बेस्टच्या अणिक बस डेपोमध्ये सोमवारी संध्याकाळी भीषण आग लागली. या आगीत पार्किंगमध्ये उभ्या असलेल्या १० सीएनजी बसेस जळून खाक झाल्या, तर इतर दोन बसेसचं नुकसान झालं आहे. अग्निशमन दलाने तातडीने धाव घेत आग आटोक्यात आणली.
मुंबईतील सायन भागात असलेल्या बेस्टच्या अणिक बस डेपोमध्ये सोमवारी संध्याकाळी अचानक भीषण आग लागली. या आगीत पार्किंगमध्ये उभ्या असलेल्या १० सीएनजी बसेस पूर्णपणे जळून खाक झाल्या, तर इतर दोन बसेसचं मोठं नुकसान झालं. सुदैवाने या घटनेत कोणतीही जीवितहानी झाली नाही. आगीचं नेमकं कारण अद्याप समजू शकलेलं नाही, असं अधिकाऱ्यांनी सांगितलं.
आगीच्या भक्ष्यस्थानी पडलेल्या या बसेस एका खासगी कंत्राटदाराकडून 'वेट-लीज' तत्त्वावर चालवल्या जाणाऱ्या मिडी सीएनजी बसेस होत्या. सूत्रांनी दिलेल्या माहितीनुसार, बाधित १२ बसेसपैकी ९ बसेस अगदी नवीन होत्या, तर ३ बसेस नुकत्याच सेवेत दाखल झाल्या होत्या.
BREAKING: Ten public transport BEST buses caught fire in Anik depot, Sion. #Mumbai https://t.co/H3uf6gtHlO
— Rajendra B. Aklekar (@rajtoday) October 5, 2026
Mumbai - A major fire broke out at the BEST bus depot in the Anik area of Sion, Mumbai, triggering concern at the premises, a BEST bus parked in the depot's parking area caught fire. Thick smoke was reportedly seen rising from the location following the outbreak. Firefighting efforts are currently underway to bring the blaze under control.
— NextMinute News (@nextminutenews7) October 5, 2026
Mumbai Sion Bus Depot Fire Compile Update*
सायन BEST बस डिपो में आग
मुंबई के सायन स्थित अणिक BEST बस डिपो में सोमवार शाम बड़ा हादसा हुआ। डिपो में खड़ी 12 नई CNG मिडी बसें आग की चपेट में आकर जल गईं। आग शाम करीब 5 बजकर 45 मिनट पर लगी। मुंबई फायर ब्रिगेड ने इसे लेवल-1 फायर कॉल घोषित किया। करीब ढाई घंटे की मशक्कत के बाद रात 8 बजकर 20 मिनट पर आग पर पूरी तरह काबू पाया गया।
सायन के अणिक बस डिपो में अचानक आग लगने से हड़कंप मच गया।
डिपो यार्ड में एक साथ खड़ी 12 नई AC CNG मिडी बसें आग की चपेट में आ गईं।
BEST के मुताबिक, ये बसें निजी ऑपरेटर डागा ग्रुप की थीं और BEST के बेड़े में हाल ही में शामिल की जा रही नई बसों का हिस्सा थीं।
आग की सूचना शाम 5 बजकर 44 मिनट पर फायर ब्रिगेड को मिली और 5:54 बजे लेवल-1 फायर कॉल घोषित किया गया। मौके पर फायर ब्रिगेड की कम से कम 4 फायर इंजन और 5 वॉटर टैंकर समेत अन्य दमकल वाहन पहुंचे।
आग इतनी तेज थी कि मौके से काला धुआं काफी दूर तक दिखाई दिया। प्रत्यक्षदर्शियों ने धमाके जैसी आवाजें सुनाई देने का दावा किया। हालांकि, आग लगने की असली वजह अभी स्पष्ट नहीं है और जांच की जा रही है।
फायर ब्रिगेड के मुताबिक आग को रात 8:20 बजे पूरी तरह बुझा दिया गया। हादसे में किसी के घायल होने की सूचना नहीं है।
फिलहाल आग लगने की वजह की जांच जारी है। साथ ही यह भी जांच की जा रही है कि नई CNG बसों में आग किस वजह से लगी और आग इतनी तेजी से दूसरी बसों तक कैसे पहुंची।
#Mumbaifire #busdepot #mumbai #Fire 🔥 #Best
— Jayprrakash Singh (@jayprakashindia) October 5, 2026
या घटनेचा तपास करणाऱ्या बेस्टच्या एका वरिष्ठ अधिकाऱ्याने सांगितलं की, सध्या विविध शक्यतांची पडताळणी सुरू आहे. बसेसजवळ पडलेल्या ज्वलनशील पदार्थाने बाहेरच्या एखाद्या ठिणगीमुळे पेट घेतला असावा, असा प्राथमिक संशय आहे. या आगीमुळे गॅस पाईप वितळले आणि गॅस गळती सुरू झाल्याने आगीने रौद्ररूप धारण केलं.
डेपोतून निघणारे काळ्याकुट्ट धुराचे लोट पूर्व उपनगरातील अनेक भागांतून स्पष्ट दिसत होते. यामुळे परिसरातील नागरिक आणि वाहनचालकांमध्ये काही काळ घबराट पसरली होती.
या घटनेमुळे डेपोतील अग्निसुरक्षा यंत्रणा आणि बसेस पार्क करण्याच्या पद्धतीवर गंभीर प्रश्न निर्माण झाले आहेत. बेस्ट समितीचे सदस्य रमाकांत गुप्ता यांनी आरोप केला की, बसेस एकमेकांच्या खूप जवळ उभ्या केल्या होत्या, ज्यामुळे आग वेगाने पसरली. डेपोमध्ये उपलब्ध असलेले फायर एक्स्टिंग्विशर (अग्निशामक यंत्र) आणि वाळूच्या बादल्यांचा तातडीने वापर का केला गेला नाही, असा सवालही त्यांनी उपस्थित केला.
"जर कर्मचाऱ्यांनी वेळीच प्रसंगावधान दाखवलं असतं, तर आग दोन-तीन बसेसपुरती मर्यादित राहिली असती. चालकांना काही बसेस आगीच्या ठिकाणाहून सुरक्षित स्थळी हलवता आल्या असत्या," असं गुप्ता म्हणाले.
मात्र, बेस्टच्या एका वरिष्ठ अधिकाऱ्याने हा दावा फेटाळून लावला. परिसरात धुराचे प्रचंड लोट पसरले होते आणि आग इतक्या वेगाने पसरत होती की बसेस हलवणं शक्यच नव्हतं, असं ते म्हणाले. दुसऱ्या एका अधिकाऱ्याने सांगितलं की, आगीची तीव्रता इतकी भयंकर होती की कर्मचाऱ्यांना अग्निशामक यंत्र वापरण्याची संधीच मिळाली नाही. एकाच वेळी तीन ते पाच बसेसनी पेट घेतला होता.
"धुराचे इतके मोठे लोट असताना, बसेस बाहेर काढण्याचं धाडस कोण करणार?" असा सवाल या अधिकाऱ्याने केला.
सीएनजीमुळे आग आटोक्यात आणण्यात आणखी अडचणी आल्या. मुंबई अग्निशमन दलाचे माजी अधिकारी राजेंद्र चौधरी म्हणाले, "एकदा का गॅसने पेट घेतला, की ती आग नियंत्रणात आणणं खूप कठीण होऊन बसतं."
बेस्ट समितीच्या आणखी एका सदस्याने या घटनेला 'वेक-अप कॉल' (धोक्याचा इशारा) म्हटलं आहे. अशा घटना टाळण्यासाठी बेस्टच्या सर्व २७ डेपोंमध्ये आपत्कालीन अग्निनियंत्रण प्रोटोकॉल, पुरेशी साधनसामग्री आणि कर्मचाऱ्यांना विशेष प्रशिक्षण देण्याची मागणी त्यांनी केली.
या आगीमागे एखाद्या कर्मचाऱ्याचा निष्काळजीपणा कारणीभूत आहे का, आणि आग विझवण्याच्या प्रयत्नांत काही हलगर्जीपणा झाला का, याचा तपास आता अधिकारी करत आहेत.
बेस्टसाठी ही घटना अत्यंत कठीण काळात घडली आहे. सध्या बेस्टच्या ताफ्यात केवळ २,८०० बसेस उरल्या आहेत, जी आतापर्यंतची सर्वात नीचांकी संख्या आहे. शिवाय, या वर्षी ३ मे पासून बेस्ट बसेसना आग लागण्याची ही आठवी घटना आहे. यामुळे मुंबईच्या सार्वजनिक वाहतूक व्यवस्थेच्या सुरक्षेवर आणि तयारीवर नव्याने चिंता व्यक्त केली जात आहे.