Mumbai Rain Alert: मुंबईत रेड अलर्ट!, धोधो पावसाने केला कहर; नागरिकांसाठी हवामान विभागाचा इशारा

मुंबईत मान्सूनने जोरदार हजेरी लावली असून, शहरात पावसाचा कहर पाहायला मिळतोय. हवामान विभागाने रेड अलर्ट जारी केला असून, मुंबई, ठाणे आणि रायगड धोक्याच्या झोनमध्ये आहेत. १९५० नंतर हा सर्वात लवकर आलेला मान्सून आहे.

मुंबईत पुन्हा एकदा मान्सूनने जोरदार हजेरी लावली असून, शहरात पावसाचा जबरदस्त कहर पाहायला मिळतोय. हवामान विभागाने याआधी दिलेला ऑरेंज अलर्ट आता रेड अलर्टमध्ये रूपांतरित केला आहे. त्यामुळे मुंबईकरांसाठी हा इशारा गंभीर स्वरूपाचा ठरतोय.

मुंबईत सकाळपासून धोधो पाऊस, वाहतुकीवर मोठा परिणाम

सोमवारी सकाळपासून सुरू झालेला मुसळधार पाऊस दिवसेंदिवस वाढतच चालला आहे. त्यामुळे अनेक सखल भागांमध्ये पाणी साचले असून, वाहतूक व्यवस्थेवर त्याचा गंभीर परिणाम झालाय. रेल्वे, रस्ते वाहतूक आणि भुयारी मेट्रो यांवरही पावसाचा फटका बसलाय. मध्य, पश्चिम आणि हार्बर मार्गांवरील लोकल सेवेवर अडथळे निर्माण झाले आहेत.

रेड अलर्ट जारी, ठाणे, रायगडही धोक्याच्या झोनमध्ये

सकाळी देण्यात आलेला ऑरेंज अलर्ट दुपारी १२.३८ वाजता रेड अलर्टमध्ये बदलण्यात आला. केवळ मुंबईच नाही, तर ठाणे आणि रायगड जिल्ह्यांनाही रेड अलर्ट देण्यात आला आहे. हवामान विभागाने पुढील काही तास आणि दिवसांमध्येही जोरदार ते अतिजोरदार पावसाची शक्यता वर्तवली आहे.

इतिहासात पहिल्यांदाच इतक्या लवकर मान्सून!

२६ मे २०२५ रोजी मुंबईत मान्सून दाखल झाला असून, १९५० नंतर हा सर्वात लवकर आलेला मान्सून ठरतोय. यापूर्वी १९५६, १९६२ आणि १९७१ साली २९ मे रोजी मान्सून लवकर आला होता. यंदा केरळमध्ये २४ मे रोजी मान्सून दाखल झाला, आणि फक्त दोन दिवसांतच महाराष्ट्रात त्याने प्रवेश केला.

पावसाच्या नोंदी, कुलाबाने मोडला विक्रम!

कुलाबा वेधशाळेने २४ तासांत १३५.४ मिमी पावसाची नोंद केली आहे.

सांताक्रूझ वेधशाळेने ३३.५ मिमी पावसाची नोंद केली आहे.

मे महिन्यात कुलाबात एकूण २९५ मिमी पावसाची नोंद झाली असून, हा १९१८ मधील विक्रमही मोडीत काढणारा पाऊस आहे.

शहरात अनेक ठिकाणी साचले पाणी, पडली झाडं, कोसळले रस्ते

माहीममध्ये एका इमारतीचा भाग कोसळला

वरळी मेट्रो स्थानकात पाणी शिरलं

हिंदमाता, दादर टीटी, सायन सर्कल, केम्प्स कॉर्नर, फाइव्ह गार्डन्स यांसारख्या भागांमध्ये पाणी तुंबलं

केम्प्स कॉर्नरमध्ये रस्ता खचला – जणू गुहा तयार झाली!

नागरिकांसाठी हवामान विभागाचा महत्त्वाचा सल्ला

हवामान विभागाने दिलेल्या इशाऱ्यानुसार शक्यतो घरातच राहा, आवश्यक असल्यासच बाहेर पडा

छत्री, रेनकोटचा वापर करावा

विद्युत खांब, झाडांपासून दूर राहा

लहान मुलं, वृद्धांची विशेष काळजी घ्या

प्रशासनाच्या सूचनांचे पालन करा आणि अफवांवर विश्वास ठेवू नका

पावसाने मुंबईचं थरारनाट्य सुरू केलंय!

इतक्या लवकर आलेल्या मान्सूनने मुंबईकरांना आश्चर्याचा धक्का दिला आहे. आता हवामान विभागाचा रेड अलर्ट लक्षात घेता, सर्व नागरिकांनी दक्ष राहणं आवश्यक आहे. प्रशासन सज्ज आहे, पण नागरिकांची जबाबदारीही तितकीच महत्त्वाची आहे. हवामान बदलांचा प्रभाव आणि रेड अलर्टसारखी गंभीर स्थिती यांवर वेळेवरची माहिती, सतर्कता आणि सज्जता हाच सुरक्षिततेचा सर्वोत्तम मार्ग आहे.