पर्यटकांसाठी खुशखबर! उन्हाळी सुट्टीत गुजरातला जाणं होणार सोपं; रेल्वेकडून 'या' १० विशेष गाड्यांची घोषणा

Mumbai to Gujarat summer special trains: प्रवाशांची उन्हाळी गर्दी लक्षात घेता पश्चिम रेल्वेने मुंबईच्या वांद्रे टर्मिनसवरून गुजरातच्या विविध शहरांसाठी १० समर स्पेशल ट्रेन्स चालवण्याचा निर्णय घेतला. या गाड्या एप्रिल ते जुलै २०२६ दरम्यान धावणार आहे.

पर्यटकांसाठी खुशखबर! उन्हाळी सुट्टीत गुजरातला जाणं होणार सोपं

मुंबई: उन्हाळ्याच्या सुट्ट्या सुरू झाल्या की सर्वांना वेध लागतात ते सहलीचे! जर तुम्हीही या मे-जूनच्या सुट्टीत गुजरातच्या ऐतिहासिक वास्तू, समुद्रकिनारे किंवा कच्छचे रण पाहण्याचा विचार करत असाल, तर तुमच्यासाठी एक आनंदाची बातमी आहे. प्रवाशांची वाढती गर्दी लक्षात घेऊन पश्चिम रेल्वेने (Western Railway) मुंबईच्या वांद्रे टर्मिनसवरून गुजरातच्या विविध शहरांसाठी तब्बल १० समर स्पेशल ट्रेन्स चालवण्याचा निर्णय घेतला आहे. 

प्रवास सुखकर होणार; एप्रिलपासून सेवा सुरू

वांद्रे टर्मिनस ते गुजरात दरम्यान धावणाऱ्या या विशेष गाड्या २ एप्रिल २०२६ ते ३१ जुलै २०२६ या कालावधीत उपलब्ध असतील. यामध्ये भावनगर, गांधीधाम, भुज, वेरावल आणि उधना अशा महत्त्वाच्या शहरांचा समावेश आहे. 

समर स्पेशल ट्रेन्सचे सविस्तर वेळापत्रक

खालील तक्त्यावरून तुम्ही तुमच्या सोयीनुसार ट्रेनची निवड करू शकता.

ट्रेन नंबर,कुठून - कुठे,कालावधी

०९२०७,वांद्रे टर्मिनस - भावनगर,३ एप्रिल ते ३१ जुलै २०२६

०९४१५,वांद्रे टर्मिनस - गांधीधाम,२ एप्रिल ते ३० जुलै २०२६

०९०३७,वांद्रे टर्मिनस - भुज,३ एप्रिल ते ३१ जुलै २०२६

०९००९,वांद्रे टर्मिनस - भुज,५ एप्रिल ते २६ जुलै २०२६

०९०११,वांद्रे टर्मिनस - भुज,७ एप्रिल ते २८ जुलै २०२६

०९०१७,वांद्रे टर्मिनस - वेरावल,५ एप्रिल ते २६ जुलै २०२६

०९०५५,वांद्रे टर्मिनस - उधणा,१ एप्रिल ते २९ जुलै २०२६

०९०३५,वांद्रे टर्मिनस - उधणा,३ एप्रिल ते ३१ जुलै २०२६

०९०५६,उधणा - वांद्रे टर्मिनस,१ व ३ एप्रिल ते ३१ जुलै २०२६ 

उत्तर भारतासाठीही विशेष सोय!

केवळ गुजरातच नाही, तर उत्तर भारतात जाणाऱ्या प्रवाशांसाठीही रेल्वेने विशेष नियोजन केले आहे. मुंबई सेंट्रल ते हरियाणातील बनमनखी स्थानकादरम्यान समर स्पेशल ट्रेन (ट्रेन नं. ०९००१/०९००२) आठवड्यातून दोन दिवस (मंगळवार आणि शुक्रवार) ३१ जुलैपर्यंत धावणार आहे. 

महत्त्वाची टीप

या सर्व गाड्यांचे अधिकृत वेळापत्रक लवकरच रेल्वेच्या पोर्टलवर उपलब्ध होईल. अधिक माहितीसाठी प्रवासी www.irctc.co.in या संकेतस्थळाला भेट देऊ शकतात किंवा १३९ या हेल्पलाईन क्रमांकावर संपर्क साधू शकतात.