MMRDA मध्ये बंपर भरती! २३५ जागांसाठी अर्ज प्रक्रिया सुरू; पाहा पगार, पात्रता आणि अर्ज करण्याची सोपी पद्धत

mmrda recruitment 2026: (MMRDA) ने गट-अ, ब आणि क संवर्गातील एकूण २३५ पदांसाठी भरती जाहीर केली. या पदांसाठी पात्र उमेदवारांना १,७७,५०० चे वेतन मिळू शकते. इच्छुक उमेदवार २० मार्च २०२६ पर्यंत एमएमआरडीएच्या अधिकृत वेबसाईटवरून ऑनलाईन अर्ज करू शकतात.

MMRDA मध्ये बंपर भरती!

मुंबई: मुंबईचा कायापालट करणाऱ्या मुंबई महानगर प्रदेश विकास प्राधिकरणात (MMRDA) नोकरी करण्याची सुवर्णसंधी चालून आली आहे. एमएमआरडीएने गट-अ, ब आणि क संवर्गातील एकूण २३५ रिक्त पदांसाठी जम्बो भरती जाहीर केली असून, पात्र उमेदवारांना १,७७,५०० रुपयांपर्यंत आकर्षक वेतन मिळण्याची संधी आहे. 

अर्ज करण्यासाठी महत्त्वाच्या तारखा

अर्ज भरण्यास सुरुवात: १८ फेब्रुवारी २०२६

अर्ज करण्याची शेवटची तारीख: २० मार्च २०२६ (रात्री ११:५९ पर्यंत) 

रिक्त पदांचा तपशील (एकूण २३५ जागा)

गट-अ (Class A)

सहाय्यक अभियंता श्रेणी-१ (स्थापत्य, रेलपथ, सिग्नलिंग): ०९ पदे

उपनियोजक (Deputy Planner): २९ पदे

गट-ब (Class B)

सहाय्यक अभियंता श्रेणी-२ (स्थापत्य, विद्युत, सिग्नलिंग): १०४ पदे

सहाय्यक भूमी आणि मिळकत व्यवस्थापक: ०४ पदे

सहाय्यक विधी अधिकारी, समाज विकास अधिकारी व इतर: १३ पदे

गट-क (Class C)

उप लेखपाल (Deputy Accountant): ३३ पदे

भूमापक (Surveyor): ३१ पदे

लघुटंकलेखक आणि संगणक तंत्रज्ञ: १२ पदे 

तुम्ही पात्र आहात का? (शैक्षणिक पात्रता व वयोमर्यादा)

या भरतीसाठी पदांनुसार वेगवेगळी शैक्षणिक पात्रता निश्चित करण्यात आली आहे.

पात्रता: १० वी उत्तीर्ण, आयटीआय (ITI), कोणत्याही शाखेतील पदवी, इंजिनिअरिंग पदवी (Civil/Electrical/ETC), MS-CIT आणि टायपिंग/शॉर्टहँड.

वयोमर्यादा: १८ ते ३८ वर्षे (शासकीय नियमानुसार सवलत लागू). 

अर्ज कसा करावा?

१. उमेदवारांनी एमएमआरडीएच्या अधिकृत वेबसाईट mmrda.maharashtra.gov.in ला भेट द्यावी.

२. 'Administration Recruitment' विभागात जाऊन सविस्तर जाहिरात काळजीपूर्वक वाचावी.

३. अर्ज आणि परीक्षा शुल्क केवळ ऑनलाईन पद्धतीनेच स्वीकारले जातील. 

काही अडचण असल्यास येथे संपर्क साधा

उमेदवारांच्या शंकांचे निरसन करण्यासाठी हेल्पलाईन क्रमांक जाहीर करण्यात आले आहेत.

TCS हेल्पलाईन: ९५१३१६५५८६ (सकाळी ९ ते ५, सुट्टीचे दिवस वगळून)

MMRDA हेल्पलाईन: ०२२-६५९६४००० / ७७०० 

आमचा सल्ला

अर्ज करण्यापूर्वी अधिकृत जाहिरात सविस्तर वाचा, कारण शेवटच्या क्षणी तांत्रिक अडचण येऊ शकते. त्यामुळे २० मार्चची वाट न पाहता लवकरात लवकर अर्ज सादर करा.