'व्हेनेझुएलाच्या अध्यक्षांप्रमाणे मोदींचेही अपहरण होणार का?' पृथ्वीराज चव्हाणांचे वादग्रस्त वक्तव्य

Cong Prithviraj Chavan Warns of Venezuela Style Kidnapping of PM Narendra Modi : व्हेनेझुएलातील परिस्थितीचा दाखला देत पृथ्वीराज चव्हाणांनी पंतप्रधानांच्या सुरक्षेवर चिंता व्यक्त केली, तर मल्लिकार्जुन खरगेंनी मोदी ट्रम्पसमोर झुकत असल्याचा आरोप केला.

Cong Prithviraj Chavan Warns of Venezuela Style Kidnapping of PM Narendra Modi : अमेरिकेचे अध्यक्ष डोनाल्ड ट्रम्प भारताच्या अंतर्गत आणि परराष्ट्र धोरणात गरजेपेक्षा जास्त हस्तक्षेप करत असल्याचा आरोप काँग्रेसने केला आहे. व्हेनेझुएलाचे अध्यक्ष निकोलस मदुरो यांना अमेरिकेच्या सैन्याने ताब्यात घेतल्याच्या घटनेचा संदर्भ देत, "ट्रम्प आपल्या पंतप्रधानांचेही अपहरण करतील का?" असा सवाल पृथ्वीराज चव्हाण यांनी विचारला आहे. यानंतर मोठ्या राजकीय चर्चेला सुरुवात झाली आहे. पंतप्रधान नरेंद्र मोदी ट्रम्प यांच्यासमोर झुकत असल्याच्या मल्लिकार्जुन खरगेंच्या टीकेनंतर हे नवीन वक्तव्य आले आहे.

'मोगँबो खुश हुआ': मल्लिकार्जुन खरगेंचा हल्लाबोल

यापूर्वी, रशियन तेल आयातीवरून काँग्रेस अध्यक्ष मल्लिकार्जुन खरगे यांनीही पंतप्रधानांवर जोरदार हल्ला चढवला होता. रशियाकडून तेल खरेदी कमी केल्याबद्दल, "मोदी मला खूश करू इच्छितात," असे ट्रम्प एका ऑडिओ क्लिपमध्ये म्हणत असल्याचे खरगेंनी उघड केले. रशियन तेल खरेदी करण्यावरून अमेरिकेने भारतावर मोठे शुल्क लावले होते. याला मोदी बळी पडत असल्याचा आरोप खरगेंनी केला. "यावरून मोदी ट्रम्प यांच्या नियंत्रणात असल्याचे सिद्ध होते. मला 'मिस्टर इंडिया'मधील 'मोगँबो खुश हुआ' हा डायलॉग आठवतो. देशाचे हित ट्रम्प यांच्यासमोर गहाण ठेवू नये," असेही खरगे म्हणाले.

एका ऑपरेशनला थांबवण्यात आपण मोठी भूमिका बजावली असल्याच्या ट्रम्प यांच्या दाव्यावरही काँग्रेसने प्रश्नचिन्ह उपस्थित केले. ट्रम्प यांनी ही गोष्ट किमान ७० वेळा सांगितली आहे. जग त्यांच्यासमोर झुकेल असे त्यांना वाटत असेल, पण भारत तसे करणार नाही, असे खरगेंनी स्पष्ट केले. हिटलर आणि मुसोलिनीप्रमाणे जगाला घाबरवण्याचा प्रयत्न करणाऱ्यांचा काळ लवकरच संपेल आणि भारताचे सार्वभौमत्व जपण्याची जबाबदारी पंतप्रधानांची आहे, याची आठवण काँग्रेसने करून दिली.