BMC Election 2026 : अर्ज माघारीचा आज शेवटचा दिवस, बंडखोरांवर पक्षांची निर्णायक नजर

BMC Election 2026 : मुंबई महापालिका निवडणुकीसाठी आज उमेदवारी अर्ज मागे घेण्याचा शेवटचा दिवस आहे. दुपारी तीन वाजेपर्यंत अर्ज माघारी घेता येणार असून, बंडखोर उमेदवारांची नाराजी दूर करण्यासाठी सर्व पक्ष शेवटच्या क्षणापर्यंत प्रयत्नशील आहेत.

BMC Election 2026 :  मुंबई महापालिका निवडणुकांसाठी उमेदवारी अर्ज मागे घेण्याचा आज (1 जानेवारी) शेवटचा दिवस आहे. दुपारी तीन वाजेपर्यंत उमेदवारांना अर्ज माघारी घेता येणार आहे. या निवडणुकीत बंडखोर उमेदवारांमुळे पक्षाला फटका बसू नये यासाठी सर्व प्रमुख राजकीय पक्ष शेवटच्या क्षणापर्यंत अपक्ष अर्ज दाखल केलेल्या उमेदवारांची मनधरणी करताना दिसत आहेत.

बंडखोरी ठरणार की माघार? राजकीय घडामोडींना वेग

अर्ज माघारीची मुदत संपेपर्यंत कोणकोणते बंडखोर उमेदवार अर्ज मागे घेतात, याकडे सर्वांचे लक्ष लागले आहे. 3 जानेवारीला निवडणूक चिन्हांचे वाटप झाल्यानंतर अंतिम उमेदवार यादी जाहीर होणार आहे. 15 जानेवारी रोजी मतदान होणार असून 16 जानेवारीला मतमोजणी होणार आहे.

ठाकरे-मनसे युतीतील बंडखोर उमेदवारांची यादी

मुंबईत शिवसेना (उद्धव ठाकरे गट) आणि मनसे युतीतून काही उमेदवारांनी बंडखोरी केल्याचे समोर आले आहे. संबंधित बंडखोर उमेदवारांची नावे पुढीलप्रमाणे आहेत —

• प्रभाग क्रमांक ९५ – चंद्रशेखर वायंगणकर, ठाकरे

(अधिकृत उमेदवार: हरी शास्त्री – ठाकरे)

• प्रभाग क्रमांक १०६ – सागर देवरे, ठाकरे

(अधिकृत उमेदवार: सत्यवान दळवी – मनसे)

• प्रभाग क्रमांक ११४ – अनिशा माजगावकर, मनसे

(अधिकृत उमेदवार: राजोल पाटील – ठाकरे)

• प्रभाग क्रमांक १६९ – कमलाकर नाईक, ठाकरे

(अधिकृत उमेदवार: प्रवीणा मोरजकार – ठाकरे)

• प्रभाग क्रमांक १९३ – सूर्यकांत कोळी, ठाकरे

(अधिकृत उमेदवार: हेमांगी वरळीकर – ठाकरे)

• प्रभाग क्रमांक १९६ – संगीता जगताप, ठाकरे

(अधिकृत उमेदवार: पद्मजा चेंबूरकर – ठाकरे)

• प्रभाग क्रमांक २०२ – विजय इंदुलकर, ठाकरे

(अधिकृत उमेदवार: श्रद्धा जाधव – ठाकरे)

• प्रभाग क्रमांक २०३ – दिव्या बडवे, ठाकरे

(अधिकृत उमेदवार: भारती पेडणेकर – ठाकरे)

• प्रभाग क्रमांक १९७ – श्रावणी देसाई, ठाकरे

(अधिकृत उमेदवार: रचना साळवी – मनसे)

भाजपमधील बंडखोरीने वाढवली डोकेदुखी

मुंबई महापालिका निवडणुकीत भाजपलाही बंडखोरीचा सामना करावा लागत आहे. भाजपमधील उमेदवार आणि बंडखोरांची यादी पुढीलप्रमाणे —

• वॉर्ड १७७ – उमेदवार: जेसल कोठारी | बंडखोर: नेहल शहा
• वॉर्ड २०५ – उमेदवार: वर्षा शिंदे | बंडखोर: जान्हवी राणे
• वॉर्ड १५५ – उमेदवार: श्रीकांत शेट्ये | बंडखोर: जयश्री खरात, हर्षा साळवे, शशिकला कांबळे
• वॉर्ड २२५ – उमेदवार: हर्षिता नार्वेकर | बंडखोर: कमलाकर दळवी, सुजाता सानप
• वॉर्ड २२६ – उमेदवार: मकरंद नार्वेकर | बंडखोर: अनिल पाटील
• वॉर्ड ०७ – उमेदवार: गणेश खणकर | बंडखोर: भूपेंद्र काशिनाथ सेना
• वॉर्ड ०८ – उमेदवार: योगिता पाटील | बंडखोर: अमृता कवळी
• वॉर्ड २५ – उमेदवार: निशा परुळेकर | बंडखोर: शेखर शेरे
• वॉर्ड १८२ – उमेदवार: राजन पारकर | बंडखोर: श्रद्धा पाटील
• वॉर्ड १७३ – उमेदवार: पूजा कांबळे (शिवसेना) | बंडखोर: वैशाली पगारे
• वॉर्ड ५४ – उमेदवार: विप्लव अवसरे | बंडखोर: संदीप जाधव भाजप
• वॉर्ड २०० – उमेदवार: संदीप पाणसांडे | बंडखोर: गजेंद्र धुमाळे भाजप
• वॉर्ड ६० – उमेदवार: सायली कुलकर्णी | बंडखोर: दिव्या ढोले भाजप
• वॉर्ड ६४ – उमेदवार: सरिता राजापुरे | बंडखोर: माया राजपूत भाजप