बाबा सिद्दिकी हत्या प्रकरण: जखमी व्यक्ती महत्त्वाचा साक्षीदार, तपासात येणार वेग

बाबा सिद्दिकी यांच्या हल्ल्यातील एक महत्त्वाचा व्हिडीओ समोर आला आहे, ज्यामध्ये त्यांच्या सोबत असलेल्या व्यक्तीच्या पायाला गोळी लागलेली दिसत आहे. हा व्हिडीओ हल्ल्यानंतरचा असून, जखमी व्यक्ती जमिनीवर पडलेली आहे, आणि त्या आजूबाजूला पोलीस व नागरिकांची मोठी गर्दी आहे. व्हिडीओमध्ये दिसणारी जखमी व्यक्ती महत्त्वाची साक्षीदार ठरू शकते, कारण ती हल्ल्याच्या वेळी बाबांसोबत होती. या व्यक्तीच्या माहितीने मुंबई पोलिसांचा तपासात वेग येऊ शकतो. एनडीटीव्हीने आपल्या चर्चेदरम्यान हा व्हिडिओ प्रसारित केला आहे.

राष्ट्रवादी काँग्रेसचे नेते आणि माजी मंत्री बाबा सिद्दिकी यांच्यावर हल्ला झाला, तेव्हा त्यांच्या सोबत असलेल्या या व्यक्तीला जखमी अवस्थेत पाहून, पोलिसांना अनेक अनुत्तरित प्रश्नांची उत्तरे मिळण्याची आशा आहे. हल्ला आमदार झिशान सिद्दिकी यांच्या ऑफिसबाहेर झाला, जिथे तीन हल्लेखोरांनी बाबांवर ६ गोळ्या झाडल्या. या घटनेत गंभीररित्या जखमी झाल्यानंतर लीलावती रुग्णालयात बाबा सिद्दिकी यांचा मृत्यू झाला. व्हिडीओमध्ये दिसणारी जखमी व्यक्ती महत्त्वाची साक्षीदार ठरू शकते, कारण ती हल्ल्याच्या वेळी बाबांसोबत होती. या व्यक्तीच्या माहितीने मुंबई पोलिसांचा तपासात वेग येऊ शकतो.

आरोपींचा शोध सुरू, तिघांना अटक तर तिघे फरार

बाबा सिद्दिकी हत्या प्रकरणात पोलिसांनी तीन आरोपींना अटक केली आहे. गुर्मेल सिहं आणि धर्मराज कश्यप या दोघांना घटनास्थळावरून पकडण्यात आले, परंतु धर्मराज अल्पवयीन असल्याचा दावा केला जात होता. वैद्यकीय चाचणीत त्याचा वय स्पष्ट झाल्यावर हा दावा खोटी ठरला आहे.

आरोपी शुभम लोणकरने फेसबुक पोस्टद्वारे हत्येची जबाबदारी बिश्नोई गँगने स्वीकारली आहे, आणि पोलिसांनी त्याच्या पोस्टची चौकशी सुरू केली आहे. फरार आरोपी शुभम लोणकरचा भाऊ प्रवीण लोणकर याला पुण्यातून अटक करण्यात आली आहे. त्याच्यावर आरोपींना रूम भाड्याने देण्यासाठी मदत केल्याचा आरोप आहे.

सध्या या प्रकरणातल्या तीन आरोपींची चौकशी सुरू असून, पोलिसांकडून तिघांचा शोध घेतला जात आहे. न्यायालयाने या तिघांना २१ ऑक्टोबरपर्यंत पोलीस कोठडी सुनावली आहे.बाबा सिद्दिकी यांच्या हत्येचा तपास आता एक नवीन वळण घेत आहे, आणि या प्रकरणातील साक्षीदाराची माहिती अत्यंत महत्त्वाची ठरू शकते.

आणखी वाचा : 

Baba Siddiqui Murder: कोणत्या टोळीचा होता सहभाग, सर्व काही जाणून घ्या