Nashik Lift Accident : नाशिकमध्ये लिफ्ट कोसळली, ६ जण अडकले; थरारक व्हिडिओ
सार
नाशिकच्या सातपूर परिसरातील सनशाईन अपार्टमेंटमध्ये लिफ्ट अचानक खाली कोसळल्याने मोठी दुर्घटना घडली. या घटनेत एक महिला जखमी झाली असून, या थरारक घटनेचा सीसीटीव्ही व्हिडिओ समोर आला आहे.
मुंबई : नाशिकच्या सातपूर परिसरातील शिवाजीनगर येथील विठ्ठल-रुक्मिणी कॉलनीतील सनशाईन अपार्टमेंटमध्ये लिफ्टमध्ये बिघाड झाल्याची घटना घडली आहे. यामध्ये एक महिला जखमी झाल्याची माहिती आहे.
मंगळवारी, १० नोव्हेंबर रोजी घडलेल्या या घटनेचा सीसीटीव्ही व्हिडिओ समोर आला आहे. यामुळे रहिवासी इमारतींमधील लिफ्टची सुरक्षा आणि देखभालीचा प्रश्न ऐरणीवर आला आहे. प्राथमिक माहितीनुसार, एक महिला लिफ्टमधून बाहेर पडत असताना लिफ्ट अचानक हलली, ज्यामुळे काही लोक जखमी झाले.
व्हिडिओमध्ये काही महिलांसह अनेक लोक अपार्टमेंटच्या लिफ्टमध्ये शिरताना दिसत आहेत. एका मजल्यावर लिफ्टचे दार उघडताच एक महिला बाहेर पडण्याचा प्रयत्न करताना दिसते.
सीसीटीव्ही व्हिडिओ पहा
Nashik - A shocking incident has been reported from the Satpur area of Nashik. A lift collapsed at Sunshine Apartment in Vitthal-Rukmini Colony, Shivajinagar, Satpur, leaving several women injured, according to preliminary information. The sudden collapse has created an atmosphere of fear and panic among residents of the apartment complex. Questions are being raised about whether the incident was caused by a technical fault and whether the lift was undergoing regular maintenance. CCTV Footage Emerges
— NextMinute News (@nextminutenews7) November 11, 2026
थोड्या वेळाने लिफ्ट अचानक वर गेल्यावर त्या महिलेला दरवाजाचा धक्का बसतो. या घटनेत ती महिला वर खेचली गेल्याचेही व्हिडिओमध्ये दिसते, ज्यामुळे लिफ्टच्या सुरक्षेबाबत गंभीर प्रश्न निर्माण झाले आहेत.
जखमी महिलेची अद्याप ओळख पटलेली नाही. तांत्रिक बिघाडामुळे हा अपघात झाला का, असा सवाल आता उपस्थित केला जात आहे.