पुणेकरानो लक्ष द्या! शिवजयंतीनिमित्त उद्या 'हे' मुख्य रस्ते राहणार बंद; घराबाहेर पडण्यापूर्वी पाहा पर्यायी मार्गांचा 'मॅप'
सार
१९ फेब्रुवारी रोजी शिवजयंतीनिमित्त पुण्याच्या मध्यवर्ती भागात मिरवणुका निघणार आहेत. यामुळे वाहतूक कोंडी टाळण्यासाठी पुणे शहर वाहतूक विभागाने लक्ष्मी रोड, शिवाजी रोडसह अनेक प्रमुख रस्ते बंद ठेवले असून प्रवाशांसाठी पर्यायी मार्ग जाहीर केले आहेत.
पुणे : उद्या, १९ फेब्रुवारी रोजी संपूर्ण शहरात छत्रपती शिवाजी महाराज यांची जयंती मोठ्या उत्साहात साजरी होणार आहे. यानिमित्त पुण्याच्या मध्यवर्ती भागात भव्य मिरवणुकांचे आयोजन करण्यात आले आहे. या सोहळ्यात वाहतुकीची कोंडी होऊ नये आणि मिरवणुका विनाअडथळा पार पडाव्यात, यासाठी पुणे शहर वाहतूक विभागाने वाहतुकीत मोठे बदल केले आहेत. अनेक प्रमुख रस्ते वाहतुकीसाठी बंद ठेवण्यात आले असून प्रवाशांसाठी पर्यायी मार्ग निश्चित करण्यात आले आहेत.
वाहतुकीसाठी 'हे' रस्ते असतील बंद/वळवलेलेमिरवणुकीच्या काळात लक्ष्मी रोड, शिवाजी रोड, बाजीराव रोड आणि पंडित नेहरू रोड यांसारख्या मुख्य मार्गांवर प्रवेशबंदी असेल. विशेषतः जड वाहनांना या परिसरात पूर्णपणे मनाई करण्यात आली आहे.
कुठे जायचे असेल तर 'हा' मार्ग निवडा
सध्याचा मार्ग (बंद) पर्यायी मार्ग (खुला)
शिवाजी रोड (जिजामाता चौक) स. गो. बर्वे चौक जंगली महाराज रोड खंडोजीबाबा चौक टिळक रोड.
बाजीराव रोड (पूरम चौक)टिळक रोड अलका टॉकीज फर्ग्युसन कॉलेज रोड.
गणेश रोड (दारूवाला पूल)दारूवाला पूल चौकातूनच पर्यायी मार्गांनी वाहतूक वळवली जाईल.
अप्पा बळवंत चौक (बुधवार पेठ)मिरवणूक असेपर्यंत केळकर रस्त्याने थेट पुढे जावे.
लक्ष्मी रोड (सोन्या मारुती चौक)संत कबीर चौकातून वाहने पर्यायी मार्गाकडे वळवण्यात येतील.
महत्त्वाच्या सूचना
बालगंधर्व परिसर: मिरवणूक गाडगीळ पुतळ्याच्या पुढे जाईपर्यंत सावरकर भवन पुलावरून बालगंधर्वच्या दिशेने वाहतूक सोडली जाईल.
आपत्कालीन सेवा: रुग्णवाहिका आणि अग्निशमन दलाच्या गाड्यांना मिरवणुकीतही प्राधान्य दिले जाईल.
आवाहन: वाहतूक पोलीस उपायुक्त हिंमत जाधव यांनी नागरिकांना मध्यवर्ती भागात शक्यतो वाहने न आणण्याचे आणि पोलिसांना सहकार्य करण्याचे आवाहन केले आहे.
शिवजयंतीच्या जल्लोषात सहभागी होताना आपले प्रवासाचे नियोजन आधीच करून ठेवा, जेणेकरून वेळेचा अपव्यय टाळता येईल.