Lonavala Bhusi Dam Family Drown in Waterfall : भुशी डॅम परिसरात वाहून गेलेल्या पाच जणांपैकी चौघांचे सापडले मृतदेह, एकाचा शोध सुरू

Lonavala Bhusi Dam Family Drown in Waterfall : लोणावळ्यातील भुशी डॅम परिसरात वाहून गेलेल्या पाच जणांपैकी चौघांचे मृतदेह सापडले असून एकाचा शोध सुरू आहे. 

Lonavala Bhusi Dam Family Drown in Waterfall : पुणे : भुशी डॅम परिसरात वर्षाविहारासाठी गेलेल्या एकाच कुटुंबातील पाच जण वाहून गेल्याची धक्कादायक घटना घडली आहे. भुशी धरणाच्या पाठीमागे असलेल्या डोंगरातील वॉटरफॉल येथून हे अन्सारी कुटुंब वाहून गेलं आहे. वाहून गेलेल्या पाच जणांपैकी चौघांचे मृतदेह सापडले असून अद्याप एकजण बेपत्ताच असल्याची माहिती मिळत आहे.

जिल्हाधिकारी सुहास दिवसे यांनी घटनास्थळी दिली भेट

वर्षा पर्यटनासाठी लोणावळ्याला गेलेले 10 जण जोरदार पाण्याच्या प्रवाहात वाहुन गेले होते. त्यापैकी 5 जणांना पाण्याच्या प्रवाहातून बाहेर पडण्यात यश आलं आहे. बुडालेल्या 5 जणांपैकी 4 जणांचे मृतदेह बाहेर काढण्यात आले आहेत. तर एक अद्याप बेपत्ता आहेत. उर्वरित शोधकार्य सोमवारी करण्यात येणार आहे. भुशी धरणाच्या पाठीमागे असलेल्या डोंगरातल्या धबधब्यातून हे पाच जण वाहून गेले आहेत. हे सर्वजण अन्सारी कुटुंबातले आहेत. यात लहान मुलं आणि महिलांचा समावेश आहे. दरम्यान, जिल्हाधिकारी सुहास दिवसे घटनास्थळी पोहोचले आहेत.

'अन्सारी कुटुंबाला पाण्याचा अंदाज न आल्याने घडली दुर्घटना'

भुशी डॅमजवळ वाहून गेलेल्यांना वाचवण्यासाठी ज्यांनी बचावकार्य केलं, त्या शिवदुर्ग टीममधील गावडे यांनी सांगितलं की, "पाऊस जास्त झाल्यानंतर लोणावळ्याकडे पर्यटक येत असतात. असंच हे कुटुंब होतं. हे कुटुंब एका लग्नसमारंभासाठी आलं होतं. समारंभ पार पडल्यापासून ते भुशी डॅमजवळ असलेल्या धबधब्यावर आले. इथे साधारणतः दुपारी साडेबाराच्या सुमारास ते गेले होते. या ठिकाणी अचानक पाऊस वाढला. या ठिकाणी 15 मिनिटांसाठी जरी पाऊस पडला तरीदेखील धबधब्याचं पाणी मोठ्या प्रमाणावर वाढतं. या पाण्याचा या कुटुंबाला अंदाज आला नाही त्यामुळेच दुर्घटना घडली. हा धबधबा पुढे जाऊन भुशी डॅमला मिळतो. आम्हाला आतापर्यंत सापडलेले मृतदेह सर्व भुशी डॅमच्या बॅकवॉटरमध्ये सापडले आहेत. आणि इतर दोघांचा शोध सुरू आहे."

"आम्हाला या दुर्घटनेची माहिती मिळाली. त्यावेळी आम्ही त्वरित आमची टीम घेऊन याठिकाणी पोहोचलो. त्यानंतर आम्हाला भुशी डॅमच्या बॅक वॉटरमध्ये तीन मृतदेह आढळले. भुशी डॅममध्ये आम्हाला एका महिलेचा मृतदेह, एक 13 वर्षीय मुलीचा मृतदेह आणि सात वर्षांचा मृतदेह सापडला. अशा तिघांचे मृतदेह बाहेर काढण्यात आले. रात्री साडेसात वाजेपर्यंत बचावकार्य सुरू होतं. पण अंधार पडल्यामुळे आम्हाला सर्च ऑपरेशन थांबवावं लागलं. ज्या ठिकाणी डेडबॉडी सापडल्यात त्याच ठिकाणी आप सर्च ऑपरेशन सुरू करण्यात आलं आहे.", अशी माहिती बचावकार्य करणाऱ्यांनी केली आहे.

आणखी वाचा :