Pune Viral Video : पुण्यात आयटी इंजिनिअर महिलेला बाईक टॅक्सी चालकाने अर्ध्या रस्त्यात उतरवले
सार
पुण्यात एका आयटी इंजिनिअर महिलेने बाईक टॅक्सी चालकाविरोधात पोलिसांत तक्रार दाखल केली आहे. चालकाने तिला अर्ध्या रस्त्यात उतरवून भाड्यावरून वाद घातला आणि या घटनेचा व्हिडिओ सोशल मीडियावर व्हायरल केला. या घटनेमुळे प्रवाशांच्या सुरक्षेचा प्रश्न पुन्हा ऐरणीवर आला आहे.
पुणे : शहरात एका ४२ वर्षीय आयटी इंजिनिअर महिलेने बाईक टॅक्सी चालकावर गंभीर आरोप केले आहेत. चालकाने तिला अर्ध्या रस्त्यात उतरवून तिच्याशी हुज्जत घातली आणि या वादाचा व्हिडिओ रेकॉर्ड केला. हा व्हिडिओ सोशल मीडियावर पोस्ट केल्यानंतर महिलेने थेट पोलिसांत धाव घेत तक्रार नोंदवली आहे.
पूजा दीपक साव (वय ४२) असं या तक्रारदार सॉफ्टवेअर इंजिनिअर महिलेचं नाव आहे. दुपारी १ च्या सुमारास हिंजवडी येथील ऑफिसला जाण्यासाठी त्यांनी बाईक टॅक्सी बुक केली होती. पूजा यांनी चालकाला सूसमधील 'सनीज वर्ल्ड' मार्गे जाण्यास सांगितलं. पण चालकाने नकार दिला आणि कंपनीच्या ॲपने दाखवलेल्या मार्गानेच जाण्याचा हट्ट धरला. यावरून दोघांमध्ये शाब्दिक चकमक उडाली.
हा वाद तेव्हा जास्त वाढला जेव्हा चालकाने बावधन पुलावर गाडी थांबवली आणि पूजा यांना तिथेच उतरण्यास सांगितलं. एवढंच नाही तर त्याने पूर्ण भाड्याची मागणीही केली. प्रवास पूर्ण झाला नसताना मी पैसे का देऊ, असा सवाल करत पूजा यांनी पैसे देण्यास नकार दिला. हा वाद सुरू असताना चालकाने मोबाईलवर व्हिडिओ काढला. मला बदनाम करण्याच्या हेतूने त्याने हा व्हिडिओ सोशल मीडियावर शेअर केल्याचा आरोप पूजा यांनी केला आहे.
पाहा व्हायरल व्हिडिओ
Pune: A video allegedly showing a heated argument between an IT professional and a cab driver has surfaced from Hinjewadi IT Park Phase 3, Pune, triggering reactions on social media.
According to the claims accompanying the video, the driver asked the woman to pay ₹300 after dropping her at her destination. However, she allegedly refused to pay and reportedly threatened to call the police when the driver questioned her.
The woman is also heard allegedly referring to her ₹10 lakh car while confronting the driver. The incident has sparked a debate over respect for hardworking drivers and the importance of paying for services availed.
The video is reportedly circulating on social media. The circumstances surrounding the incident and the claims made in the video have not been independently verified.
What do you think about this incident? Share your views in the comments.
#Pune #Hinjewadi #PuneNews #ITPark #CabDriver #viralvideo #PunePulse
— Pune Pulse (@pulse_pune) October 23, 2026
या प्रकारानंतर पूजा साव यांनी बावधन पोलीस ठाणे गाठून तक्रार दिली. वरिष्ठ पोलीस निरीक्षक अरविंद पवार यांनी या प्रकरणी अदखलपात्र (NC) गुन्ह्याची नोंद झाल्याची माहिती दिली आहे. या घटनेमुळे बाईक टॅक्सी चालकांची मुजोरी आणि महिला प्रवाशांच्या सुरक्षेचा मुद्दा पुन्हा एकदा चर्चेत आला आहे. पोलीस या प्रकरणात अधिक तपास करत असून लवकरच पुढील कारवाई केली जाईल.