पुणेकरांसाठी आनंदाची बातमी! होळीला गावी जाणाऱ्या प्रवाशांची गर्दी ओसरणार; रेल्वेकडून 'होळी स्पेशल' गाड्यांची घोषणा

Pune Holi special train schedule: होळीला गावी जाणाऱ्या प्रवाशांची गर्दी लक्षात घेऊन रेल्वे प्रशासनाने पुणे स्थानकावरून विशेष गाड्या जाहीर केल्यात. या गाड्या उत्तर भारत, विदर्भातील प्रमुख शहरांसाठी, जसे की दानापूर, गोरखपूर, नागपूर, धावणार आहे. 

पुणेकरांसाठी आनंदाची बातमी!

पुणे : नोकरी-व्यवसायानिमित्त पुण्यात स्थायिक झालेल्या नागरिकांसाठी आनंदाची बातमी आहे. होळीच्या सणाला गावी जाणाऱ्या प्रवाशांची प्रचंड गर्दी लक्षात घेता, रेल्वे प्रशासनाने पुणे स्थानकावरून विशेष गाड्यांची घोषणा केली आहे. यामुळे उत्तर भारत आणि विदर्भाकडे जाणाऱ्या प्रवाशांना मोठा दिलासा मिळणार आहे.

होळीच्या काळात नियमित गाड्यांचे वेटिंग लिस्ट वाढते, हे लक्षात घेऊन रेल्वेने दानापूर, गोरखपूर, गाझीपूर शहर, नागपूर आणि हजरत निजामुद्दीन या महत्त्वाच्या मार्गांवर अतिरिक्त फेऱ्या चालवण्याचा निर्णय घेतला आहे. 

प्रमुख मार्गांचे वेळापत्रक खालीलप्रमाणे

१. पुणे - नागपूर स्पेशल (फेऱ्या २)

गाडी क्र. ०१४६९: २४ फेब्रुवारी आणि ३ मार्च (दुपारी १:५० वाजता सुटेल)

गाडी क्र. ०१४७० (परतीचा प्रवास): २५ फेब्रुवारी आणि ४ मार्च (सकाळी ८:०० वाजता सुटेल) 

२. पुणे - गोरखपूर (३२ फेऱ्या - रोज सेवा)

गाडी क्र. ०१४१५: २१ फेब्रुवारी ते ८ मार्च (दररोज सकाळी ६:५० वाजता)

गाडी क्र. ०१४१६ (परतीचा प्रवास): २२ फेब्रुवारी ते ९ मार्च (दररोज सायंकाळी ५:३० वाजता) 

३. पुणे - दानापूर (दैनिक आणि द्वि-साप्ताहिक)

दैनिक सेवा (०१४५९): २१ फेब्रुवारी ते ८ मार्च (दुपारी ३:३० वाजता सुटेल)

द्वि-साप्ताहिक (०१४८१): २३, २७ फेब्रुवारी आणि २, ६ मार्च (सायंकाळी ७:५५ वाजता सुटेल)

४. पुणे - गाझीपूर शहर (द्वि-साप्ताहिक)

गाडी क्र. ०१४३१: २४, २७ फेब्रुवारी आणि ३, ६ मार्च (सकाळी ६:४० वाजता सुटेल)

गाडी क्र. ०१४३२ (परतीचा प्रवास): २६ फेब्रुवारी, १, ५ आणि ८ मार्च (पहाटे ४:२० वाजता सुटेल) 

५. पुणे - हजरत निजामुद्दीन (साप्ताहिक)

गाडी क्र. ०१४९१: २७ फेब्रुवारी आणि ६ मार्च (सायंकाळी ५:३० वाजता सुटेल)

गाडी क्र. ०१४९२ (परतीचा प्रवास): २८ फेब्रुवारी आणि ७ मार्च (रात्री १२:१० वाजता सुटेल)

आरक्षण कधी सुरू होणार?

या सर्व विशेष गाड्यांचे बुकिंग १८ फेब्रुवारीपासून सर्व संगणकीकृत आरक्षण केंद्रांवर (PRS) आणि IRCTC च्या अधिकृत वेबसाईटवर सुरू झाले आहे. कन्फर्म तिकीट मिळवण्यासाठी प्रवाशांनी त्वरित बुकिंग करण्याचे आवाहन रेल्वेने केले आहे.