Maharashtra Election 2024: महाराष्ट्रात कोण कुठं निवडणूक लढवतंय, घ्या जाणून

महाराष्ट्र विधानसभा निवडणुकीसाठी आज (20 नोव्हेंबर) राज्यातील 288 विधानसभा जागांसाठी मतदान होत आहे. निवडणुकीचा निकाल 23 नोव्हेंबरला जाहीर होणार आहे. उत्तर प्रदेशनंतर देशातील दुसऱ्या क्रमांकाच्या राज्याच्या निवडणुकीत मुख्य लढत भाजप, काँग्रेस, शिवसेना आणि राष्ट्रवादी काँग्रेस या दोन गटांमध्ये आहे. निवडणूक आयोगाने दिलेल्या माहितीनुसार, राज्यातील २८८ जागांसाठी एकूण ४,१३६ उमेदवार रिंगणात आहेत.

सत्ताधारी महाविकास आघाडीचा भाग असलेला भाजप 149 जागांवर निवडणूक लढवत आहे, तर एकनाथ शिंदे यांच्या नेतृत्वाखालील शिवसेनेने 81 जागांवर आपले उमेदवार उभे केले आहेत. अजित पवार यांच्या नेतृत्वाखालील राष्ट्रवादी 59 जागांवर निवडणूक लढवत आहे. महाविकास आघाडीमध्ये समाविष्ट काँग्रेस 101 जागांवर, शिवसेना (UBT) 95 जागांवर आणि राष्ट्रवादी (शरदचंद्र पवार) 86 जागांवर निवडणूक लढवत आहे. बहुजन समाज पक्ष आणि ऑल इंडिया मजलिस-ए-इत्तेहाद-उल-मुस्लिमीन (एआयएमआयएम) यासह छोटे पक्षही निवडणूक लढवत आहेत.

प्रदेशनिहाय बघा कोणता पक्ष किती जागांवर लढतोय.

पश्चिम महाराष्ट्र

पश्चिम महाराष्ट्रातील सहा जिल्ह्यांमध्ये एकूण 70 जागा आहेत. महायुतीतील घटक पक्षांपैकी भाजप ३१ जागांवर, राष्ट्रवादी अजित गट २३ जागांवर, शिवसेना शिंदे गट १३ जागांवर तर इतर पक्ष तीन जागांवर निवडणूक लढवत आहेत. तर महाविकास आघाडीतील घटक पक्षांमध्ये काँग्रेस १९, राष्ट्रवादी काँग्रेस ३७,  शिवसेना उद्धव ठाकरे गट १२ आणि इतर पक्ष दोन जागांवर निवडणूक लढवत आहेत.

विदर्भ

विदर्भातील 11 जिल्ह्यांमध्ये एकूण 62 जागा आहेत. महायुतीतील घटक पक्षांपैकी भाजप 47 जागा, राष्ट्रवादी अजित गट 5, शिवसेना शिंदे गट 9 आणि इतर पक्ष एका जागेवर निवडणूक लढवत आहेत. तर महाविकास आघाडीतील घटक पक्षांपैकी काँग्रेस ४० जागांवर, राष्ट्रवादी काँग्रेस १३ जागांवर, तर शिवसेना उद्धव ठाकरे गट ९ जागांवर लढत आहे.

मराठवाडा

मराठवाड्यातील आठ जिल्ह्यांमध्ये एकूण 46 जागा आहेत. महायुतीतील घटक पक्षांपैकी भाजप 20, राष्ट्रवादी अजित गट 9, शिवसेना शिंदे गट 16 आणि इतर पक्ष एका जागेवर निवडणूक लढवत आहेत. तर महाविकास आघाडीच्या घटक पक्षांपैकी काँग्रेस १५ जागांवर, राष्ट्रवादी काँग्रेस १५ जागांवर, तर शिवसेना उद्धव ठाकरे गट १६ जागांवर निवडणूक लढवत आहे.

ठाणे-कोकण

ठाणे-कोकणातील पाच जिल्ह्यांत सुमारे 39 जागा आहेत. महायुतीतील घटक पक्षांपैकी भाजप १७ जागांवर, राष्ट्रवादी अजित गट ४ जागांवर, शिवसेना शिंदे गट १८ जागांवर लढत आहे. तर महाविकास आघाडीतील घटक पक्षांपैकी काँग्रेस चार जागांवर, राष्ट्रवादीचे शरद पवार आठ, शिवसेना उद्धव ठाकरे गट २४ आणि इतर पक्ष तीन जागांवर निवडणूक लढवत आहेत.

मुंबई

मुंबईत दोन जिल्ह्यात एकूण 35 जागा आहेत. महायुतीतील घटक पक्षांपैकी भाजप १८ जागांवर, राष्ट्रवादी अजित गट दोन जागांवर, शिवसेना शिंदे गट १५ जागांवर तर राज ठाकरेंचा मनसे एका जागेवर निवडणूक लढवत आहे. तर महाविकास आघाडीतील घटक पक्षांपैकी काँग्रेस ११ जागांवर, राष्ट्रवादी काँग्रेस शरद पवार दोन जागांवर, शिवसेना उद्धव ठाकरे गट २२ जागांवर तर समाजवादी पक्ष एका जागेवर लढत आहे.

उत्तर महाराष्ट्र

उत्तर महाराष्ट्रातील चार जिल्ह्यांमध्ये एकूण 35 जागा आहेत. महायुतीतील घटक पक्षांपैकी भाजप 16, राष्ट्रवादी अजित गट 8, शिवसेना शिंदे गट 10 तर एकाही जागेवर उमेदवार उभे केलेले नाहीत. तर महाविकास आघाडीतील घटक पक्षांपैकी काँग्रेस १२ जागांवर, राष्ट्रवादीचे शरद पवार १० जागांवर, शिवसेना उद्धव ठाकरे गट ११ जागांवर तर इतर पक्ष दोन जागांवर निवडणूक लढवत आहेत.