Maharashtra Election 2024: माजी गृहमंत्री अनिल देशमुख यांच्यावर जीवघेणा हल्ला

Maharashtra Assembly Election 2024: महाराष्ट्राचे माजी गृहमंत्री आणि शरद पवार गटाचे नेते अनिल देशमुख यांच्या गाडीवर हल्ला झाल्याची घटनाही समोर आली आहे. गाडीवर दगडफेक केल्याने अनिल देशमुखही जखमी झाले. डोक्याला दुखापत झाल्याने त्यांना रुग्णालयात दाखल करण्यात आले. हा हल्ला कोणी केला याबाबत माहिती मिळू शकली नाही. विधानसभा निवडणुकीच्या प्रचाराचा सोमवारी शेवटचा दिवस होता. सायंकाळी पाच वाजता प्रचार संपल्यानंतर माजी गृहराज्यमंत्री काटोलहून नागपूर शहरात परतत होते. यावेळी त्यांच्या ताफ्यावर अज्ञातांनी हल्ला केला. अनिल देशमुख मागच्या सीटवर बसले होते, यावेळी गाडीची काच उघडी होती. त्यामुळे त्यांच्या डोक्यात दगड लागल्याने रक्तस्त्राव सुरू झाला. देशमुख यांचे फोटो सोशल मीडियावर व्हायरल होत आहेत.

अपक्षावर जीवघेणा हल्ला -

सोमवारी सायंकाळी छत्रपती संभाजीनगर येथील गंगापूर विधानसभा मतदारसंघात अपक्ष उमेदवार सुरेश सोनवणे यांच्या गाडीवर दगडफेक करण्यात आली. पोलिसांनी ही माहिती दिली आहे. सायंकाळी 7.30 वाजता घडलेल्या या घटनेत सोनवणे यांच्या डोक्याला किरकोळ दुखापत झाल्याचे वरिष्ठ पोलीस अधिकाऱ्याने सांगितले. वाळुंज पोलीस ठाण्याच्या हद्दीतील लांजी गावाजवळ सोनवणे यांच्या गाडीवर अज्ञात व्यक्तीने दगडफेक केल्याची माहिती पोलीस उपायुक्त नितीन बागटे यांनी दिली. आरोपींना पकडण्यासाठी तीन पथके तयार करण्यात आल्याचे त्यांनी सांगितले.