कोकण रेल्वेची मोठी अपडेट! उन्हाळी सुट्टीत मुंबई-गोवा प्रवाशांची चंगळ; धावणार 'समर स्पेशल' गाड्या, पाहा पूर्ण वेळापत्रक

Mumbai to Goa summer special trains: उन्हाळी सुट्ट्यांमधील गर्दी लक्षात घेता कोकण रेल्वेने मध्य रेल्वेच्या समन्वयाने मुंबई ते मडगाव साप्ताहिक विशेष गाड्या चालवण्याचा निर्णय घेतला. या गाड्या CSMT आणि लोकमान्य टिळक टर्मिनस (LTT) येथून सुटतील. 

उन्हाळी सुट्टीत मुंबई-गोवा प्रवाशांची चंगळ

मुंबई: रखरखत्या उन्हात एसटीचा प्रवास नको वाटणाऱ्या चाकरमान्यांसाठी आणि पर्यटकांसाठी एक दिलासादायक बातमी आहे. उन्हाळी सुट्ट्यांमधील प्रवाशांची प्रचंड गर्दी लक्षात घेता, कोकण रेल्वेने मध्य रेल्वेच्या समन्वयाने मुंबई ते मडगाव दरम्यान विशेष 'साप्ताहिक' गाड्या चालवण्याचा निर्णय घेतला आहे. या गाड्यांमुळे पर्यटकांना आणि कोकणात जाणाऱ्या प्रवाशांना सुखकर प्रवासाचा पर्याय उपलब्ध झाला आहे. 

१. मुंबई CSMT ते मडगाव (साप्ताहिक विशेष)

छत्रपती शिवाजी महाराज टर्मिनस येथून सुटणारी ही गाडी प्रामुख्याने गुरुवारी उपलब्ध असेल.

ट्रेन क्रमांक: ०११७१ / ०११७२

कालावधी: १६ एप्रिल ते ११ जून २०२६ (दर गुरुवारी)

वेळ (जाताना): मुंबईहून मध्यरात्री १२:२० वाजता सुटणार; दुपारी ३:१५ वाजता मडगावला पोहोचणार.

वेळ (परतीचा प्रवास): मडगाववरून सायंकाळी ६:०० वाजता सुटणार; दुसऱ्या दिवशी पहाटे ३:४५ वाजता मुंबईत पोहोचणार. 

२. लोकमान्य टिळक टर्मिनस (LTT) ते मडगाव

कुर्ला टर्मिनसवरून सुटणारी ही गाडी दर शुक्रवारी कोकणाकडे धावेल.

ट्रेन क्रमांक: ०१११९ / ०११२०

कालावधी: १७ एप्रिल ते १२ जून २०२६ (दर शुक्रवारी)

वेळ (जाताना): LTT वरून मध्यरात्री १२:५५ वाजता सुटणार; दुपारी ३:१५ वाजता मडगावला पोहोचणार.

वेळ (परतीचा प्रवास): मडगाववरून शुक्रवारी सायंकाळी ६:०० वाजता सुटणार; दुसऱ्या दिवशी पहाटे ३:३० वाजता मुंबईत पोहोचणार. 

प्रमुख थांबे (Haltings)

प्रवाशांच्या सोयीसाठी या गाड्यांना महत्त्वाच्या सर्व स्थानकांवर थांबा देण्यात आला आहे.

दादर (फक्त CSMT ट्रेनसाठी), ठाणे, पनवेल, पेण, रोहा, माणगाव, वीर, खेड, चिपळूण, सावर्डे, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिवीम आणि करमळी. 

प्रवाशांसाठी महत्त्वाच्या टिप्स

या विशेष गाड्यांचे आरक्षण त्वरित सुरू होणार असल्याने प्रवाशांनी 'IRCTC' च्या वेबसाईटवरून आगाऊ नियोजन करावे.

उन्हाळी गर्दी टाळण्यासाठी या साप्ताहिक गाड्यांचा पर्याय सर्वोत्तम ठरेल.