Plastic Bags DIY: जुन्या प्लास्टिक पिशव्या फेकू नका, घरीच बनवा या ४ उपयोगी वस्तू!

घरात जमा झालेल्या प्लास्टिकच्या पिशव्या आणि रॅपर्स वापरून तुम्ही रोजच्या वापराच्या आणि सजावटीच्या अनेक वस्तू बनवू शकता. यामुळे कचरा कमी होईल आणि तुमचं घरही अधिक आकर्षक दिसेल.

भाजीपासून ते किराणा दुकानातून सामान आणताना आपल्याला अनेक प्लास्टिकच्या पिशव्या मिळतात. जर तुमच्या घरातही अशा खूप पिशव्या जमा झाल्या असतील, तर त्या फेकून देण्याची चूक करू नका. या पिशव्या वापरून तुम्ही घरातल्या घरात सुंदर आणि उपयोगी वस्तू बनवू शकता. चला, पाहूया या प्लास्टिक पिशव्या वापरून कोणत्या वस्तू बनवता येतात.

प्लास्टिकच्या पट्ट्यांपासून मॅट बनवा

तुम्ही प्लास्टिकच्या पिशव्यांपासून एक सुंदर मॅट तयार करू शकता. ही मॅट बसायला किंवा दाराजवळ ठेवायला उत्तम पर्याय आहे. यासाठी तुम्हाला वेगवेगळ्या रंगांच्या प्लास्टिक पिशव्यांच्या पट्ट्या कापाव्या लागतील. प्लास्टिकची मॅट मजबूत आणि वॉटरप्रूफ असते. तुम्ही ती बाल्कनी किंवा किचनमध्ये वापरू शकता. अशी मॅट कशी बनवायची, यासाठी तुम्ही इंटरनेटवर व्हिडिओ पाहू शकता.

प्लास्टिकच्या पिशव्यांपासून फुलं बनवा

रंगीत प्लास्टिक पिशव्या वापरून तुम्ही सुंदर फुलं बनवू शकता. ही फुलं बनवणं अजिबात अवघड नाही. यासाठी हिरव्या, गुलाबी, जांभळ्या किंवा लाल रंगाच्या पिशव्या वापरा. त्यांना गुलाबाचा आकार द्या. एका धातूच्या तारेला हे फूल जोडा आणि हिरव्या रंगाच्या प्लास्टिकपासून पानं तयार करा. हे फुलं फुलदाणीत (Vase) ठेवा. ही फुलं इतकी खरी दिसतील की विकतची फुलंही फिकी पडतील.

पुन्हा वापरण्यायोग्य बॅग बनवा

प्लास्टिकच्या पट्ट्या विणून तुम्ही फक्त मॅटच नाही, तर एक मजबूत हँडबॅगसुद्धा तयार करू शकता. पट्ट्या विणून झाल्यावर सुई-दोऱ्याने तिला बॅगेचा आकार द्या. भाजी किंवा इतर गरजेचं सामान आणण्यासाठी तुम्ही रोज या बॅगेचा वापर करू शकता. वेगवेगळ्या रंगांच्या पट्ट्यांमुळे ही बॅग दिसायलाही खूप सुंदर दिसते.

DIY रेन कव्हर

तुमच्या बॅगसाठी किंवा पुस्तकांसाठी वॉटरप्रूफ कव्हर बनवण्यासाठीही तुम्ही प्लास्टिकच्या पिशव्या वापरू शकता. मुलांच्या शाळेच्या बॅगेसाठी तर ही एक खूपच उपयोगी वस्तू ठरेल.