Basket Planters: घरातल्या साध्या भिंतींना द्या नवा लुक, हे बास्केट प्लांटर्स आहेत एकदम ट्रेंडी!

तुमच्या घराला नॅचरल, एस्थेटिक आणि बोहो-चिक लुक देण्यासाठी सिमेंट किंवा मार्बलच्या कुंड्यांऐवजी ज्यूट आणि वेताच्या दोरीपासून बनवलेले टिकाऊ प्लांटर्स खरेदी करा. हे दिसायला केवळ युनिकच नाहीत, तर तुमच्या बजेटमध्येही सहज बसतात. चला, पाहूया काही लेटेस्ट व्हरायटी.

तुम्ही पण तुमच्या घरात इनडोर आणि आउटडोर अशी भरपूर झाडं लावली आहेत का? आणि त्यांच्यासाठी चांगल्या कुंड्या शोधत आहात? मग यावेळेस नेहमीच्या सिमेंट किंवा मातीच्या कुंड्यांपेक्षा काहीतरी वेगळं ट्राय करा, जे बजेटमध्ये पण बसेल आणि दिसायलाही स्टायलिश असेल. यासाठी बास्केट प्लांटर (Basket Planter) हा एक उत्तम पर्याय आहे. यात पाणी साचून राहत नाही, त्यामुळे झाडं चांगली वाढतात. तुम्हालाही तुमच्या झाडांचं आयुष्य वाढवायचं असेल, तर आधुनिक आणि टिकाऊ दिसणाऱ्या या पॉट्सच्या काही ट्रेडिंग डिझाइन्स बघा.

स्टँडिंग बास्केट प्लांटर

लिव्हिंग रूम किंवा बाल्कनीला एक आकर्षक लुक देण्यासाठी स्टँडिंग बास्केट प्लांटर उत्तम आहे. यामुळे घराला एक नॅचरल आणि मॉडर्न बोहो-चिक लुक मिळतो. हे खरेदी करताना नेहमी वेत किंवा सीग्रासच्या दोरीचेच निवडा, कारण ते सामान्य दोरीपेक्षा जास्त काळ टिकतात.

वॉल माउंटेड बास्केट

हॉल, किचन किंवा ड्रॉइंग रूमला प्रीमियम आणि अर्बन लुक देण्यासाठी तुम्ही वॉल माउंटेड बास्केट निवडू शकता. हे ज्यूट, बांबू किंवा विकरच्या धाग्यांपासून बनवले जातात. कमी खर्चात हे तुमच्या घराला मॉडिफाय करून स्टायलिश बनवतील.

वुवेन माउंटेड बास्केट प्लांटर

भिंतींवर महागडे शो-पीस लावण्याऐवजी हलके आणि बजेट-फ्रेंडली वुवेन बास्केट प्लांटर निवडा. हे सहसा नैसर्गिक ज्यूट किंवा वेताच्या धाग्यांपासून बनवलेले असतात. लेदर बेल्टसह अर्धवर्तुळाकार डिझाइन निवडा, जे मजबूत असण्यासोबतच मॉडर्न टच देईल. यामध्ये मनी प्लांटसारखी वेलची झाडं खूप छान दिसतात.

एम्ब्रॉयडरी हूप प्लांटर्स

जर तुम्हाला सेलिब्रिटींच्या घरासारखा 'सेलिब्रिटी वॉल लुक' हवा असेल, तर हूप प्लांटर्स निवडा. यात लाकडी रिंगमध्ये हुक लावून मध्ये एक छोटा ज्यूट प्लांटर बसवलेला असतो. असे प्लांटर्स सिंगल पीस किंवा सेटमध्येही मिळतात. घराला एक मिनिमल पण आकर्षक लुक देण्यासाठी हा एक चांगला पर्याय आहे.

व्हर्टिकल रोप हँगिंग प्लांटर्स

वेताच्या दोरीने बनवलेल्या लहान-लहान टोपल्या थेट भिंतीवर लावल्या जातात, ज्यामुळे 'लिव्हिंग वॉल' म्हणजेच जिवंत भिंतीचा इफेक्ट येतो. सोफ्याच्या मागच्या भिंतीसाठी हा एक उत्तम पर्याय आहे. या बास्केट प्लांटर्समध्ये 'स्ट्रिंग ऑफ हार्ट्स' (String of Hearts) किंवा कृत्रिम वेलीची झाडं खूप सुंदर दिसतात.

बास्केट प्लांटर लावताना या गोष्टी लक्षात ठेवा

• बास्केट प्लांटर निवडताना रंगाची निवड महत्त्वाची आहे. लाइट ब्राऊन, बिंज आणि पांढऱ्या रंगाचे बास्केट क्लासिक लुक देतात.
• यांना अशा ठिकाणी ठेवा जिथे नैसर्गिक प्रकाश येतो. यामुळे त्यांचा लुक आणखी खुलून दिसतो.
• सजावटीसाठी वेगवेगळ्या आकाराचे बास्केट प्लांटर एकत्र मिक्स करून ठेवा. यामुळे जागा भरलेली वाटत नाही आणि 'पिंटरेस्ट' (Pinterest) सारखा लुक मिळतो.