भिजवलेले बदाम की अक्रोड, आरोग्यासाठी काय जास्त फायदेशीर?

बदामामध्ये फायबर, प्रोटीन, व्हिटॅमिन ई, मॅग्नेशियम, मँगनीज, कॉपर, फॉस्फरस असे अनेक पोषक घटक असतात. तर अक्रोडमध्ये ओमेगा-३ फॅटी ॲसिड जास्त प्रमाणात आढळते. 

भिजवलेले बदाम की अक्रोड, काय जास्त फायदेशीर?

भिजवलेले बदाम आणि भिजवलेले अक्रोड यापैकी आरोग्यासाठी काय जास्त चांगले आहे, ते जाणून घेऊया.

भिजवलेले बदाम खाण्याचे फायदे

बदामामध्ये हेल्दी फॅट्स, प्रोटीन, व्हिटॅमिन्स, मिनरल्स आणि फायबर यांसारखे पोषक घटक भरपूर प्रमाणात असतात.

पचनक्रिया सुधारते

फायबरने भरपूर असलेले भिजवलेले बदाम खाल्ल्याने पचनक्रिया सुधारण्यास मदत होते.

वजन नियंत्रणात राहते

फायबर आणि प्रोटीनमुळे बदाम खाल्ल्याने लवकर भूक लागत नाही आणि वजन नियंत्रणात राहण्यास मदत होते.

त्वचेसाठी उत्तम

व्हिटॅमिन ई भरपूर असलेले भिजवलेले बदाम खाल्ल्याने त्वचा एजिंगच्या लक्षणांपासून सुरक्षित राहते.

भिजवलेले अक्रोड खाण्याचे फायदे

अक्रोडमध्ये प्रोटीन, ओमेगा-३ फॅटी ॲसिड, फायबर, फॅट्स आणि इतर आवश्यक पोषक तत्वे भरपूर प्रमाणात असतात.

मेंदूच्या आरोग्यासाठी फायदेशीर

ओमेगा-३ फॅटी ॲसिड, व्हिटॅमिन ई, फॉलिक ॲसिड, प्रोटीन आणि फायबरमुळे अक्रोड मेंदूच्या आरोग्यासाठी खूप चांगले मानले जाते.

हृदयाच्या आरोग्यासाठी उत्तम

अक्रोडमध्ये असलेले ओमेगा-३ फॅटी ॲसिड हृदयाचे आरोग्य जपण्यास आणि आजारांपासून संरक्षण करण्यास मदत करते.

भिजवलेले बदाम की अक्रोड, काय जास्त फायदेशीर?

मेंदू आणि हृदयासाठी अक्रोड, तर पचन, वजन कमी करणे आणि त्वचेसाठी बदाम जास्त फायदेशीर आहेत.