How To Clean Meat Before Cooking: मटण शिजवण्यापूर्वी अशा पद्धतीने धुवा, स्वच्छतेच्या या सोप्या टिप्स माहीत आहेत का?

How To Clean Meat Before Cooking: मटण हे भरपूर पोषक तत्वांनी युक्त अन्न आहे. ते खायला आवडत नाही असा क्वचितच कोणी असेल. पण ते शिजवण्यापूर्वी नीट धुऊन स्वच्छ करणे खूप महत्त्वाचे आहे. मटण चांगले स्वच्छ करण्याचे काही सोपे मार्ग येथे दिले आहेत. 

व्हिनेगर

मटणातील जंतू नष्ट करण्यासाठी व्हिनेगर पुरेसे आहे. पाण्यात व्हिनेगर टाकून त्यात चिमूटभर हळद घाला. नंतर त्यात मटण भिजवून ठेवा. थोड्या वेळाने ते धुऊन काढता येते.

हात स्वच्छ धुवा

मटण धुण्यापूर्वी हात स्वच्छ धुण्याची काळजी घ्या. अस्वच्छ हातांनी धुतल्यास हातावरील जंतू मटणात पसरण्याची शक्यता असते. साबणाने हात चांगले चोळून धुवा. किमान 20 सेकंद हात धुतले पाहिजेत.

लिंबाचा वापर करा

नैसर्गिकरित्या मटण स्वच्छ करण्यासाठी लिंबू पुरेसे आहे. एक लिटर पाण्यात दोन चमचे लिंबाचा रस मिसळा. नंतर त्यात मटण 5 मिनिटे भिजवून ठेवा. त्यानंतर स्वच्छ पाण्याने चांगले धुऊन घ्या.

मिठाचा वापर करून स्वच्छ करा

मिठाचा वापर करून मटण चांगले स्वच्छ करता येते. एक लिटर पाण्यात दोन चमचे मीठ मिसळा. नंतर त्यात मटण भिजवून ठेवा. थोडा वेळ तसेच ठेवल्यानंतर स्वच्छ पाण्याने धुऊन घ्या.

या गोष्टी लक्षात ठेवा

मटण धुण्यासाठी फक्त स्वच्छ भांड्याचाच वापर करावा. किचनच्या ओट्यावर किंवा अस्वच्छ भांड्यात मटण धुऊ नये.