ज्योतिषशास्त्रानुसार, सर्प ग्रहांचा दोष आयुष्यावर गंभीर परिणाम करतो. तुमच्या आयुष्यातही काही अशुभ गोष्टी घडत असतील, तर ते सर्प दोषाचे संकेत असू शकतात. पण घाबरू नका, त्यावर सोपे उपायही आहेत.
ज्योतिषशास्त्रात ग्रहांची स्थिती खूप महत्त्वाची असते. यातही सर्प ग्रह म्हणजेच राहू-केतू यांची दशा प्रत्येकाच्या आयुष्यावर परिणाम करते. काही लक्षणांवरून हे परिणाम ओळखता येतात. याकडे दुर्लक्ष करण्याऐवजी उपाय करणं महत्त्वाचं आहे.
25
सर्प ग्रह दोष
ज्योतिषशास्त्रात राहूला सापाचं डोकं आणि केतूला शेपूट मानलं जातं. हे ग्रह अशुभ स्थानी असतील तर दोष निर्माण होतात. सतत वाईट स्वप्नं पडणं, घरात साप दिसणं, प्रयत्न अयशस्वी होणं, आर्थिक नुकसान, कर्ज, भीती, निद्रानाश, वैवाहिक जीवनात तणाव आणि त्वचेच्या समस्या ही राहू-केतूच्या प्रभावाची लक्षणं असू शकतात.
35
काही सोपे उपाय
राहू-केतू दोषापासून मुक्ती मिळवण्यासाठी काही सोपे उपाय आहेत. रोज सकाळी अंघोळीनंतर गंगेच्या पाण्यात किंवा शुद्ध पाण्यात थोडं मीठ टाकून ते घराच्या कोपऱ्यांमध्ये शिंपडा. यामुळे घरातली नकारात्मक ऊर्जा दूर होते, असं मानलं जातं.
शुक्रवारी किंवा शनिवारी तिळाच्या तेलाचा दिवा लावा. यामुळे नकारात्मक ऊर्जा दूर होते. राहूचा आवडता रंग निळा आहे, त्यामुळे निळ्या रंगाचे कपडे किंवा फुलं दान करा. केतूसाठी काळ्या रंगाचे कपडे किंवा काळे तीळ दान करणं शुभ मानलं जातं.
55
दोष निवारण करता येतं
श्रावण महिन्यात किंवा प्रत्येक सोमवारी नाग मंदिरात जाऊन दूध, तांदूळ आणि फुलं अर्पण करा. नागपंचमीला विशेष पूजा करणंही चांगलं असतं. महामृत्युंजय मंत्र आणि राहू-केतू मंत्रांचा जप केल्याने फायदा होतो. याशिवाय रुद्राभिषेक किंवा नवग्रह शांती पूजा करूनही दोष निवारण करता येतं.
