Shoe Bite : नवीन शूज किंवा चप्पल घातल्यानंतर Shoe Bite होत असेल तर अलोहवेरा, नारळतेल, हळद-पेस्ट, मध आणि पेट्रोलियम जेली यांसारखे घरगुती उपाय त्वचेतील वेदना, जळजळ आणि सूज लवकर कमी करतात. हे उपाय जखम लवकर भरण्यास मदत करतात तसेच पुढील त्रास टाळतात.
नवीन शूज किंवा चप्पल वापरल्यावर होणारा Shoe Bite हा त्रास अनेकांना भेडसावतो. पायाच्या त्वचेवर घर्षणामुळे सूज, लालसरपणा, खाज आणि वेदना निर्माण होते. विशेषत: त्वचा नाजूक असल्यास किंवा शूज थोडे घट्ट असल्यास हा त्रास आणखी वाढतो. पायांवर तयार होणारी ही जखम केवळ चालण्याचा त्रास वाढवते असे नाही, तर काही वेळा ती पू येण्यापर्यंत गंभीर स्वरूपही धारण करू शकते. त्यामुळे Shoe Bite झाल्यानंतर त्वरित काळजी घेणे तसेच घरच्या घरी करता येणारे उपाय अवलंबणे अत्यंत महत्त्वाचे आहे. खाली दिलेले पाच सोपे आणि प्रभावी उपाय वेदना कमी करून त्वचेच्या जखमेला लवकर बरे होण्यास मदत करतात.
26
अलोव्हेरा जेल
सर्वात प्रभावी घरगुती उपायांपैकी अलोव्हेरा जेल हा सर्वाधिक वापरला जाणारा आहे. अलोहवेरामध्ये नैसर्गिक ॲन्टी-इन्फ्लेमेटरी आणि कूलिंग गुणधर्म असतात. Shoe Bite मुळे आलेली सूज आणि जळजळ कमी करण्यासाठी ताजे अलोहवेरा जेल जखमेवर हलक्या हाताने लावावे. दिवसातून दोन ते तीन वेळा हा उपाय केल्यास त्वचा शांत होते आणि जखम लवकर भरते. तसेच अलोहवेरा त्वचेला कोरडे पडू देत नाही, ज्यामुळे घर्षण आणखी कमी होते.
36
नारळाचे तेल
नारळाचे तेल देखील अत्यंत फायदेशीर आहे. नारळाच्या तेलातील ॲंटिसेप्टिक आणि मॉइश्चरायझिंग गुणधर्म Shoe Bite मुळे निर्माण झालेल्या वेदना आणि लालसरपणा कमी करतात. जखमेवर हलकेसे गरम केलेले नारळतेल लावल्यास आराम मिळतोच, शिवाय त्वचा मऊ होते आणि पायांना पुन्हा शूज वापरताना त्रास होत नाही. नारळाचे तेल जखमेवर संरक्षक थर तयार करते, ज्यामुळे धूळ किंवा घाण जखमेवर बसत नाही.
हळद आणि तूप किंवा नारळाचे तेल यांची पेस्ट. हळदीतील कर्क्युमिन त्वचेतील संसर्ग कमी करून जखमेला लवकर कोरडे होण्यास मदत करते. हळद-तूपाची पेस्ट रात्री झोपण्यापूर्वी जखमेवर लावून ठेवली तर सकाळी वेदना आणि सूज कमी झाल्याचे दिसून येते. काही लोक Shoe Bite साठी हळद-पाणी लावतात, मात्र तूप किंवा तेलासोबत वापरल्यास परिणाम अधिक प्रभावी आढळतो.
56
मध
Shoe Bite कमी करण्यासाठी मध देखील उत्तम घरगुती उपाय आहे. मधात नैसर्गिक ॲन्टीबॅक्टेरियल गुणधर्म असल्याने जखमेवर संसर्ग होत नाही आणि त्वचा ओलसर राहते. एक ते दोन थेंब शुद्ध मध जखमेवर लावून काही वेळ तसेच ठेवावे. हा उपाय त्वचेतील जळजळ कमी करून जखम बरी होण्याची प्रक्रिया वेगवान करतो. याशिवाय, मध त्वचेला मऊ ठेवत असल्याने पुढच्या दिवशीही शूज घालताना त्रास कमी होतो.
66
व्हॅसलीन किंवा पेट्रोलियम जेली
Shoe Bite ही प्रामुख्याने त्वचेवरील जास्त घर्षणामुळे होते. पेट्रोलियम जेली पायावर संरक्षक थर तयार करून घर्षण कमी करते. जखम झाल्यानंतर तसेच जखम होण्याची शक्यता वाटली तरी पायाच्या त्या भागावर व्हॅसलीनचा पातळ थर लावल्यास त्रास मोठ्या प्रमाणात कमी होतो. हा उपाय विशेषतः नवीन शूज प्रथमच वापरताना अत्यंत प्रभावी ठरतो.
