Samsung Galaxy S26 Ultra मध्ये मिळणार धमाकेदार कॅमेरा, DSLR सारखे येतील फोटोज

Samsung Galaxy S26 Ultra मध्ये नवीन कोटेड लेन्स, कमी ग्लेअर आणि सुधारित रंग अचूकतेसह मोठे कॅमेरा अपग्रेड मिळण्याची शक्यता आहे. जर हे लीक खरे ठरले, तर हा फोन फोटोग्राफी प्रेमींसाठी खास ठरू शकतो.

Samsung Galaxy S26 Ultra Leaks : सॅमसंगचा आगामी फ्लॅगशिप स्मार्टफोन Galaxy S26 Ultra लॉन्चपूर्वीच चर्चेत आला आहे. ताज्या लीकनुसार, सॅमसंग या फोनच्या कॅमेरा अनुभवात मोठे बदल करण्याच्या तयारीत आहे. नवीन कोटेड लेन्स, कमी ग्लेअर आणि सुधारित रंग अचूकतेमुळे मोबाईल फोटोग्राफी अधिक प्रीमियम होण्याची शक्यता आहे. Galaxy S26 मालिका फेब्रुवारी 2026 मध्ये सादर होण्याची अपेक्षा आहे.

Galaxy S26 Ultra कॅमेऱ्यात काय नवे असणार?

चिनी मायक्रोब्लॉगिंग प्लॅटफॉर्म वेइबोवरील प्रसिद्ध टिपस्टर Ice Universe यांच्या माहितीनुसार, Galaxy S26 Ultra च्या कॅमेरा हार्डवेअरमध्ये महत्त्वाच्या सुधारणा केल्या जाणार आहेत. या फोनमध्ये नवीन कोटिंग असलेल्या लेन्स वापरण्यात येणार असल्याचा दावा करण्यात आला आहे. या कोटिंगमुळे फोटो काढताना होणारा अनावश्यक प्रकाश परावर्तित (glare) परिणाम कमी होईल, ज्याचा थेट फायदा प्रतिमेच्या गुणवत्तेला होणार आहे.

तेजस्वी प्रकाशात अधिक स्पष्ट फोटो

सध्या अनेक स्मार्टफोन कॅमेऱ्यांना तेजस्वी सूर्यप्रकाशात फोटो घेताना light flare आणि blur चा सामना करावा लागतो. Galaxy S26 Ultra मध्ये वापरण्यात येणाऱ्या नवीन लेन्स आणि कोटिंगमुळे ही समस्या मोठ्या प्रमाणात कमी होऊ शकते. जर हे तंत्रज्ञान प्रभावी ठरले, तर थेट सूर्यप्रकाशातही फोटो अधिक तीक्ष्ण, संतुलित आणि प्रोफेशनल दर्जाचे दिसतील.

Skin Tone आणि Color Accuracy वर विशेष लक्ष

लीकमधील माहितीनुसार, सॅमसंगने मागील Galaxy S सीरिजमधील skin tone rendering संबंधित तक्रारी लक्षात घेऊन सुधारणा केल्या असण्याची शक्यता आहे. काही युजर्सनी जुन्या मॉडेल्समध्ये त्वचेचे रंग नैसर्गिक न दिसण्याबाबत नाराजी व्यक्त केली होती. Galaxy S26 Ultra मध्ये रंगांची अचूकता आणि नैसर्गिक त्वचा टोन दाखवण्यासाठी कॅमेरा प्रोसेसिंगमध्ये बदल केले जाऊ शकतात. मात्र, याबाबत सॅमसंगकडून अधिकृत पुष्टी अद्याप झालेली नाही.

Galaxy S26 Ultra ची संभाव्य वैशिष्ट्ये

अहवालांनुसार, Galaxy S26 Ultra मध्ये क्वाड रियर कॅमेरा सेटअप असण्याची शक्यता आहे. यामध्ये

• 200MP Primary Camera
• 50MP Ultra-wide Camera
• 12MP 3x Telephoto Camera
• 50MP 5x Periscope Telephoto Camera

याशिवाय, फोनमध्ये 2nm प्रोसेसवर आधारित Exynos 2600 चिपसेट दिला जाऊ शकतो. वाढत्या उत्पादन खर्चामुळे Galaxy S26 मालिकेची किंमत मागील मॉडेल्सपेक्षा जास्त असण्याची शक्यता वर्तवली जात आहे.