Ducati Monster : रेड डॉट अवॉर्ड जिंकलेली डुकाटी मॉन्स्टर बाईक भारतात लाँच, किंमत माहितीये?
सार
जगातला प्रतिष्ठित रेड डॉट अवॉर्ड जिंकलेली डुकाटी मॉन्स्टर बाईक आता भारतात लाँच झाली आहे. दमदार इंजिन आणि नवीन फीचर्स असलेल्या या बाईकची किंमत किती आहे?
नवी दिल्ली : लक्झरी बाईक बनवणाऱ्या डुकाटीने (Ducati) भारतात आपली नवीन मॉन्स्टर (Monster) बाईक लाँच केली आहे. या आयकॉनिक स्पोर्ट्स बाईकने आता भारतात एक नवीन अध्याय सुरू केला आहे. 1992 मध्ये पहिल्यांदा लाँच झालेली मॉन्स्टर सिरीज आता नवीन रूप, नवीन अवतार, नवीन तंत्रज्ञान आणि दमदार इंजिनसह बाजारात आली आहे. विशेष म्हणजे, या बाईकने जागतिक स्तरावरचा प्रतिष्ठित 'रेड डॉट' पुरस्कारही जिंकला आहे.
नवीन बाईकचा मेंटेनन्स खर्च कमी
नवीन डुकाटी मॉन्स्टरमध्ये V2 ट्विन-सिलेंडर इंजिन आहे, जे IVT (Infinite Variable Timing) डिस्ट्रिब्युशन टेक्नॉलॉजीसह येतं. हे इंजिन 9,000 rpm वर 111 हॉर्सपॉवर (HP) पॉवर जनरेट करतं. खास गोष्ट म्हणजे, नवीन डुकाटी मॉन्स्टरचा देखभालीचा खर्च (Maintenance Cost) खूप कमी आहे. कंपनीच्या बोर्गो पॅनिगेल फॅक्टरीची क्लासिक डिझाइन कायम ठेवून याला आधुनिक आणि मस्क्युलर लूक देण्यात आला आहे. मॉन्स्टरची ओळख असलेली 'बायसन-बॅक' इंधन टाकी (Fuel Tank) अधिक आकर्षक बनवण्यात आली आहे.
चार रायडिंग मोड्स आणि जबरदस्त फीचर्स
या बाईकमध्ये 43 mm अपसाईड-डाऊन फोर्क, ब्रेम्बो (Brembo) M4.32 रेडियल कॅलिपर ब्रेकिंग सिस्टीम आणि पिरेली डायब्लो रोसो IV (Pirelli Diablo Rosso IV) टायर्स दिले आहेत. यात स्पोर्ट, रोड आणि अर्बनसह एकूण 4 रायडिंग मोड्स आहेत. बाईकमध्ये 6-ॲक्सिस IMU वर आधारित डुकाटी ट्रॅक्शन कंट्रोल (DTC), व्हीली कंट्रोल (DWC), इंजिन ब्रेक कंट्रोल (EBC) आणि कॉर्नरिंग एबीएस (Cornering ABS) सारखे सेफ्टी फीचर्स आहेत.
याशिवाय, नेव्हिगेशन सपोर्टसह नवीन 5-इंचाचा कलर TFT डॅशबोर्ड देण्यात आला आहे. कंपनीने ग्राहकांसाठी खास मेंटेनन्स ऑफर्सही आणल्या आहेत, ज्यामुळे कमी खर्चात बाईकची देखभाल करता येईल.
डुकाटी प्रोटेक्ट (+) : 30,999 (2 वर्षे किंवा 15,000 किमी पर्यंत कव्हर)
डुकाटी प्रोटेक्ट (प्रो) : 54,999 (4 वर्षे किंवा 30,000 किमी पर्यंत कव्हर)
डुकाटी मॉन्स्टरची किंमत (एक्स-शोरूम)
- रेड : 13,99,000
- व्हाईट : 14,23,000
- स्पोर्ट्स लायव्हरी : 14,23,000
डुकाटी मॉन्स्टर प्लसची किंमत (एक्स-शोरूम)
- रेड : 14,34,000
- आईसबर्ग (व्हाईट) : 14,45,000
- स्पोर्ट्स लायव्हरी : 14,45,000