Raksha Bandhan 2025 : राखी बांधताना किती गाठी पाडायच्या? 3 की 4? जाणून घ्या प्रत्येक गाठीचे महत्त्व

मुंबई - राखी बांधताना किती गाठी बांधायच्या असा प्रश्न सर्वांना पडतो. काही सांगतात की ३ गाठी बांधायच्या तर काहींच्या मते ४ गाठी पाडायला हव्यात. त्यामुळे जाणून घ्या नेमक्या किती गाठी बांधायच्या आणि त्यांचे महत्त्व.

बहीण भावाच्या मनगटावर राखी बांधते

रक्षाबंधन हा भाऊ आणि बहिणीच्या पवित्र नात्याचा सण आहे. यंदा रक्षाबंधन ०९ ऑगस्ट २०२५ रोजी साजरा केला जाईल. रक्षाबंधनाच्या शुभ प्रसंगी बहीण तिच्या भावाच्या मनगटावर राखी बांधते आणि त्याचे दीर्घायुष्य, सुख आणि समृद्धीसाठी प्रार्थना करते. एवढेच नाही तर भाऊ आपल्या बहिणीचे रक्षण करण्याचे वचन देतो. राखीशी संबंधित प्रत्येक गोष्टीला धार्मिक आणि ज्योतिषीय महत्त्व आहे. म्हणून आज या लेखाद्वारे, रक्षाबंधनाच्या वेळी भावाच्या हातावर राखी बांधताना किती गाठी बांधाव्यात, त्यामागची कथा काय आहे ते पाहूया.

तीन गाठी बांधणे शुभ

ज्योतिषशास्त्रानुसार, रक्षाबंधनाच्या दिवशी राखी बांधताना तीन गाठी बांधणे शुभ मानले जाते. या तीन गाठी ब्रह्मा, विष्णू आणि महेश या त्रिदेवांशी संबंधित आहेत असे मानले जाते. या गाठींचे स्वतःचे महत्त्व आणि अर्थ आहे. हे भाऊ आणि बहिणीचे नाते मजबूत करते.

दीर्घायुष्य लाभावे

ज्योतिषशास्त्रानुसार, राखीची पहिली गाठ भावाच्या सुरक्षिततेसाठी आणि दीर्घायुष्यासाठी असते. बहीण तिच्या भावावर कोणतीही संकटे येऊ नयेत, त्याचे रक्षण व्हावे, तो निरोगी राहावा, त्याला दीर्घायुष्य लाभावे, सुख आणि समृद्धी वाढावी अशी देवाकडे प्रार्थना करते.

नात्यात गोडवा, प्रेम राहावे

राखीची दुसरी गाठ भाऊ-बहिणीच्या नात्यात गोडवा, प्रेम आणि परस्पर आदर सन्मान वाढवण्यासाठी बांधली जाते. ही गाठ भाऊ आणि बहिणीच्या मजबूत नात्याचे प्रतीक आहे आणि त्यांच्यात नेहमीच सुसंवाद राहावा, ते नेहमी एकमेकांना आधार देत राहावे असा अर्थ व्यक्त करते.

बांधिलकीचे प्रतीक

राखीची तिसरी गाठ भाऊ आणि बहिणीच्या धर्म आणि कर्तव्यांप्रती असलेल्या बांधिलकीचे प्रतीक आहे. ही गाठ भावाने आपल्या बहिणीचे रक्षण करावे आणि बहिणीने तिच्या भावावरील प्रेम कायम ठेवावे आणि आपले कर्तव्य पाळावे यावर भर देते.

राखी स्वच्छ करावी

रक्षाबंधनाच्या दिवशी बहीण जेव्हा तिच्या भावाच्या हातावर राखी बांधते तेव्हा प्रथम शक्य झाल्यास गंगाजलाने किंवा स्वच्छ पाण्याने राखी शुद्ध करावी आणि नंतर भावाच्या मनगटावर बांधावी. अन्यथा, त्यामुळे दोष निर्माण होऊ शकतो आणि भावास त्रास होऊ शकतो. याशिवाय, ग्रहांचे नकारात्मक परिणाम होऊ शकतात आणि अशुभ फळे मिळू शकतात.