नोव्हेंबरमध्ये धमाका! OnePlus 15 ते Realme GT 8 Pro येतायत भारतात हे जबरदस्त स्मार्टफोन्स!

Upcoming Smartphones in India: हा नोव्हेंबर महिना अनेक मोठ्या स्मार्टफोन लाँचने भरलेला असणार आहे. वनप्लस, आयक्यू, ओप्पो, रियलमी आणि लावा सारख्या कंपन्या त्यांचे फ्लॅगशिप आणि मिड-रेंज सेगमेंटमध्ये नवीन फोन मॉडेल्स सादर करण्याच्या तयारीत आहेत.

लॉन्चसाठी तयार असलेले स्मार्टफोन्स

भारतात नोव्हेंबर २०२५ मध्ये वनप्लस १५, आयक्यू १५, ओप्पो फाइंड एक्स९ सिरीज, रियलमी जीटी ८ प्रो आणि लावा अग्नी ४ हे स्मार्टफोन लाँच होणार आहेत. यात नवीन हार्डवेअर आणि डिझाइन अपग्रेड्स मिळतील.

१. वनप्लस १५, लाँचची तारीख: १३ नोव्हेंबर

वनप्लस १५ हा फ्लॅगशिप फोन १३ नोव्हेंबरला भारतात लाँच होईल. यात स्नॅपड्रॅगन ८ एलीट जेन ५ चिपसेट आणि नवीन गेमिंग तंत्रज्ञान असेल. हा फोन अँड्रॉइड १६ वर आधारित ऑक्सिजन ओएस १६ वर चालेल.

आयक्यू १५, लाँचची तारीख: २६ नोव्हेंबर

आयक्यू १५ फ्लॅगशिप फोन २६ नोव्हेंबरला भारतात लाँच होईल. यात स्नॅपड्रॅगन ८ एलीट जेन ५ प्रोसेसर आणि गेमिंगसाठी खास Q3 चिप असेल. यात 2K OLED डिस्प्ले आणि मोठी कूलिंग सिस्टीम असेल.

ओप्पो फाइंड एक्स९ सिरीज

ओप्पो नोव्हेंबरच्या सुरुवातीला भारतात फाइंड एक्स९ सिरीज लाँच करणार आहे. यात फाइंड एक्स९ आणि एक्स९ प्रो मॉडेल्स असतील. दोन्ही फोनमध्ये मीडियाटेक डायमेन्सिटी ९५०० चिपसेट आणि हॅसलब्लॅड कॅमेरे असतील.

रियलमी जीटी ८ प्रो

रियलमी नोव्हेंबरमध्ये भारतात जीटी ८ प्रो लाँच करणार आहे. या स्मार्टफोनमध्ये स्नॅपड्रॅगन ८ एलीट जेन ५ चिपसेट असेल. यात रिको (Ricoh) सोबत मिळून विकसित केलेला कॅमेरा सिस्टीम असेल.

लावा अग्नी ४, लाँचची तारीख: २० नोव्हेंबर

भारतीय ब्रँड लावा आपला अग्नी ४ स्मार्टफोन २० नोव्हेंबरला लाँच करणार आहे. यात मेटल फ्रेम डिझाइन, ड्युअल कॅमेरा सेटअप आणि मीडियाटेक डायमेन्सिटी चिपसेट असेल. यात कर्व्ह्ड AMOLED डिस्प्ले असेल.