Nita Ambani Necklace : नीता अंबानींचा थाटच वेगळा; एका नेकलेससाठी लागले तब्बल 3 वर्षे, काय आहे यात खास?

नीता अंबानी यांनी गणेश चतुर्थीला केशरी रंगाच्या साडीवर त्यांनी चिलखतासारखा दिसणारा नेकलेस घातला होता. यात त्या अगदी महाराणीसारख्या दिसत होत्या. अनेकांना हा नेकलेस आहे की ब्लाऊजची डिझाईन असा प्रश्न पडला. पण या नेकलेसची खासियत ऐकून तुम्हीही थक्क व्हाल.

गणेश चतुर्थीला नीता अंबानींची रॉयल एंट्री

नीता अंबानी नेहमीप्रमाणे यंदाच्या गणेश चतुर्थीलाही रॉयल लूकमध्ये दिसल्या. त्यांनी केशरी आणि गुलाबी रंगाची ओम्ब्रे सिल्क साडी नेसली होती. या साडीवर त्यांनी मोठ्या आकाराचा सोन्याचा नेकलेस घातला होता. चिलखतासारखा दिसणारा हा नेकलेस त्यांच्या लूकमधील मुख्य आकर्षण ठरला.

या नेकलेसमध्ये काय आहे खास?

या दागिन्याला 'आम्रपाली भारतम' असे म्हणतात. हा नेकलेस तयार करण्यासाठी तब्बल ३ वर्षे लागली. १४ सुवर्णकारांनी मिळून हा नेकलेस घडवला आहे. याच्या वरच्या भागात केरळ स्टाईलचा नेकलेस आहे, तर खालच्या भागात दक्षिण भारतीय दागिन्यांची डिझाईन आहे. यावर मोती आणि मौल्यवान खडे जडवले आहेत.

सोशल मीडियावर नीता अंबानींचा नेकलेस व्हायरल

या मास्टरपीसमध्ये केरळचे जुने हार, नथ, झुमर, झुमके, बदला आणि चांदबाली यांसारख्या दक्षिण भारतीय दागिन्यांच्या डिझाईन्स वापरल्या आहेत. या विंटेज दागिन्यांमधील रिकाम्या जागा भरण्यासाठी मोती, हिरे, माणिक आणि पाचूचा वापर केला आहे.

नीता अंबानींच्या आधी बॉलिवूड अभिनेत्री सोनम कपूरनेही हा 'आम्रपाली भारतम' नेकलेस घातला होता. आता गणेश चतुर्थीला नीता अंबानींनी हा नेकलेस घातल्यामुळे तो सोशल मीडियावर व्हायरल होत आहे.

प्रत्येक दागिन्याची वेगळी खासियत

नीता अंबानी घालतात त्या प्रत्येक दागिन्याची एक वेगळी खासियत असते. एक महाराष्ट्रीयन महिला असूनही त्यांनी हा नेकलेस दक्षिण भारतीय स्टाईलमध्ये तयार करून घेतला आहे. या एकाच दागिन्यातून त्यांनी इतिहास दाखवला आहे. जुन्या आणि नव्या स्टाईलचा सुरेख संगम या नेकलेसमध्ये पाहायला मिळतो.