Nita Ambani Brooch : नीता अंबानींनी लावला 15 कोटींचा ब्रॉच, या खास ड्रॅगनफ्लाय पिनमध्ये आहे तरी काय?

Published : Nov 17, 2026, 01:43 PM IST

Nita Ambani : रिलायन्स फाऊंडेशनच्या अध्यक्षा नीता अंबानी त्यांच्या फॅशन आणि दागिन्यांमुळे नेहमीच चर्चेत असतात. नुकतंच एका कार्यक्रमात त्यांनी आपल्या ड्रेसवर एक ड्रॅगनफ्लाय पिन लावली होती, जिची किंमत ऐकून तुम्हालाही धक्का बसेल.

PREV
13
पिनची किंमत १५ कोटी?

अंबानी कुटुंब त्यांच्या लक्झरी आणि दुर्मिळ वस्तूंसाठी प्रसिद्ध आहे. रिलायन्स फाऊंडेशनच्या अध्यक्षा नीता अंबानी यांनी नुकताच एक दुर्मिळ ब्रॉच (पिन) लावला होता, जो आता फॅशन जगात चर्चेचा विषय बनली आहे. सर्वसाधारणपणे पिनची किंमत शेकडो किंवा हजारो रुपयांत असते, पण नीता अंबानींनी घातलेल्या या पिनची किंमत तब्बल १५ कोटी रुपये आहे. ड्रॅगनफ्लाय (चतुर) आकाराची ही पिन बनवायला तब्बल दहा वर्षे लागली. या पिनचं वैशिष्ट्य काय?

23
पिन बनवायला लागली दहा वर्षे

मुंबईतील 'नीता मुकेश अंबानी कल्चरल सेंटर'मधील 'द लायब्ररी'च्या उद्घाटन सोहळ्यात नीता अंबानींनी ही दुर्मिळ ब्रॉच लावला होता. याचं नाव 'सोरिंग स्पिरिट' असं आहे. प्रख्यात चायनीज ज्वेलरी आर्टिस्ट वॉलेस चॅन यांनी ही अप्रतिम पिन डिझाइन केली आहे. विशेष म्हणजे ही पिन तयार करण्यासाठी त्यांना जवळपास दहा वर्षे लागली.

या पिनची किंमत एवढी का? यात असं काय खास आहे?

या लहानशा ड्रॅगनफ्लाय पिनमध्ये जगातील सर्वात दुर्मिळ आणि मौल्यवान हिरे वापरले आहेत. ड्रॅगनफ्लायच्या मध्यभागी एक दुर्मिळ हिरवा 17.67 कॅरेटचा 'त्साव्होराइट गार्नेट' (tsavorite garnet) बसवला आहे. याच्या भोवती पिवळे हिरे, फॅन्सी कलर हिरे आणि गुलाबी रंगाचे खडे जडवले आहेत.

ही एक साधी पिन नाही, तर ती अतिशय हलक्या आणि लवचिक टायटॅनियमपासून बनवली आहे. यामुळे नीता अंबानी जेव्हा चालतात किंवा हलतात, तेव्हा ही ड्रॅगनफ्लाय पिन खऱ्या ड्रॅगनफ्लायसारखीच हलते. जणू एखादा खरा ड्रॅगनफ्लाय त्यांच्या अंगावर बसला आहे, असा भास होतो.

33
ड्रॅगनफ्लायच्या पंखांमागचं तत्त्वज्ञान

वॉलेस चॅन यांनी गणितातील 'अॅबॅकस'च्या आकारावरून या ड्रॅगनफ्लायच्या पंखांना डिझाइन केलं आहे. ड्रॅगनफ्लाय हवेत उडताना वेळ, वेग आणि सभोवतालच्या वातावरणाचा सतत अंदाज घेत पुढे जातो. माणसानेही निसर्गाशी एकरूप होऊन सर्व अडथळ्यांवर मात करत मुक्त आणि अमर्याद संधींसह पुढे जावं, असा महान संदेश ही ब्रूच देते.

पिनसोबत रॉयल लूक

आपली १५ कोटींचा ब्रॉच उठून दिसावा म्हणून नीता अंबानींनी अतिशय साधा आणि क्लासी आऊटफिट निवडला. त्यांनी फिकट रंगाच्या लिनन पँट सूटच्या डाव्या खांद्यावर हा ड्रॅगनफ्लाय ब्रॉच लावला होता ज्याने सर्वांचं लक्ष वेधून घेतलं.

Lifestyle News in Marathi (जीवनशैली बातम्या): Get the latest lifestyle news updates, fashion trends, and beauty tips in Marathi. Read रिलेशनशिप टिप्स, हेल्थ टिप्स, Travel News & Watch Marathi Lifestyle Video at Asianet Marathi News.
Read more Photos on

Recommended Stories