Navratri 2025 : भारतातील देवी मातेची 7 चमत्कारीक मंदिरे, जेथे नवरात्रीत दुर्गेच्या जीवंत रुपाचा अनुभव येतो

Navratri 2025 : येत्या २२ सप्टेंबरपासून नवरात्रौत्सव सुरू होणार आहे.. संपूर्ण ९ दिवस माता राणी स्वतःआपल्यामध्ये राहून आपल्या सर्वांना आशीर्वाद देतील. जाणून घेऊया भारतातील देवींची अशी काही मंदिरे जेथे दुर्गेचे जीवंत रुप अनुभवता येते. 

माँ दुर्गेची प्रसिद्ध मंदिरं

नवरात्री हा केवळ एक सण नाही, तर शक्तीच्या उपस्थितीचा उत्सव आहे. असं म्हणतात की नवरात्रीच्या ९ दिवस दुर्गा आपल्यामध्ये राहतात आणि आपल्याला त्यांच्या दिव्य स्वरूपाचा अनुभव देतात. त्या केवळ कथा आणि ग्रंथांमध्येच राहत नाहीत, तर मंदिराच्या घंटांचा आवाज, दिव्यांचा प्रकाश, मंत्रोच्चारादरम्यान देवीचा आशीर्वाद जाणवू शकतो. जरी प्रत्येक घर नवरात्रीमध्ये एका छोट्या मंदिरासारखं बनतं, तरी काही ठिकाणं अशी आहेत जिथे शक्तीची ऊर्जा विशेषतः जीवंत मानली जाते. ही तीर्थस्थळं आहेत जिथे परंपरा, श्रद्धा आणि इतिहास एकत्र येऊन देवीच्या दिव्य उपस्थितीचा अनुभव देतात.

वैष्णो देवी मंदिर, जम्मू-काश्मीर

त्रिकुटा पर्वतावर स्थित वैष्णो देवीचं धाम भारतातील सर्वात प्रसिद्ध तीर्थक्षेत्रांपैकी एक आहे. नवरात्रीमध्ये येथे भाविकांची गर्दी होते. गुहेमध्ये तीन पिंड्यांच्या रूपात माता महाकाली, महालक्ष्मी आणि महासरस्वतीची पूजा केली जाते. असं मानलं जातं की नवरात्रीमध्ये देवी येथे विशेषतः जागृत होऊन भाविकांना सुख-समृद्धीचा आशीर्वाद देतात.

चामुंडा देवी मंदिर, हिमाचल प्रदेश

कांगड्याजवळील चामुंडा देवीचं मंदिर माँ दुर्गेच्या उग्र रूपाला समर्पित आहे. नवरात्रीमध्ये येथे दुर्गा सप्तशतीचं पठण आणि विशेष अनुष्ठानं होतात. भाविकांचा विश्वास आहे की या दिवसांत देवी स्वतः तिथे येतात आणि आपल्या भाविकांना सर्व वाईट शक्तींपासून संरक्षण देतात.

दक्षिणेश्वर काली मंदिर, पश्चिम बंगाल

हुगळी नदीच्या काठावर वसलेलं हे मंदिर माँ कालीच्या भव्य रूपाला समर्पित आहे आणि श्री रामकृष्ण परमहंसांशी संबंधित आहे. नवरात्रीच्या काळात, विशेषतः महाष्टमी आणि महानवमीला, येथे हजारो भाविक देवी भुवनेश्वरीच्या रूपात माँ कालीचा आशीर्वाद घेण्यासाठी येतात.

कामाख्या मंदिर, आसाम

गुवाहाटीच्या नीलाचल टेकडीवर वसलेलं कामाख्या मंदिर शक्तिपीठांमध्ये अत्यंत महत्त्वाचं आहे. येथे देवी सतीच्या योनिभागाची पूजा केली जाते, जी सृजनशक्तीचं प्रतीक आहे. नवरात्रीमध्ये येथे देवीची सृजनात्मक ऊर्जा विशेषतः जागृत मानली जाते.

अंबाजी मंदिर, गुजरात

गुजरात-राजस्थान सीमेवर असलेलं अंबाजी मंदिर ५१ शक्तिपीठांपैकी एक आहे. येथे देवीची कोणतीही मूर्ती नाही तर एका यंत्राची पूजा केली जाते. नवरात्रीमध्ये येथे गरबा, भजन आणि भक्तीचा अद्भुत संगम पाहायला मिळतो.