Brezza Facelift : कमी कितमीत नव्या इंजिनसह मारुती ब्रेझा फेसलिफ्ट २४ जुलैला लाँच
सार
मारुती सुझुकीची बहुप्रतिक्षित ब्रेझा फेसलिफ्ट २४ जुलैला लाँच होणार आहे. अनेक नवीन फीचर्स आणि कमी किमतीत ही गाडी उपलब्ध होण्याची शक्यता आहे.
बंगळूरु (२२ जुलै) : मारुती सुझुकीच्या ज्या गाडीची सगळेजण वाट पाहत होते, ती ब्रेझा फेसलिफ्ट अखेर २४ जुलैला लाँच होणार आहे. मारुती ब्रेझा ही भारताच्या एसयूव्ही मार्केटमध्ये सर्वाधिक विकली जाणारी गाडी आहे. आता ही गाडी एका नवीन ढंगात आणि अनेक बदलांसह बाजारात येत आहे. लाँच होण्याआधीच या गाडीचे काही फोटो आणि व्हिडिओ लीक झाले आहेत, ज्यामुळे गाडीच्या आकर्षक डिझाइनची चर्चा सुरू झाली आहे. विशेषतः, १.० लीटर टर्बो इंजिनमुळे ब्रेझा बाजारात धुमाकूळ घालणार असं दिसतंय.
नवीन ब्रेझा फेसलिफ्टची किंमत किती असेल?
नवीन मारुती सुझुकी ब्रेझा फेसलिफ्टची किंमत आकर्षक आणि स्पर्धात्मक असण्याची शक्यता आहे. यात १.० लीटरचं इंजिन असल्यामुळे सध्याच्या ब्रेझापेक्षा ही गाडी स्वस्त असू शकते. सूत्रांच्या माहितीनुसार, या गाडीची एक्स-शोरूम किंमत ८.२६ लाख ते १२.८६ लाख रुपयांच्या दरम्यान असण्याचा अंदाज आहे. या किमतीमुळे ब्रेझा फेसलिफ्ट टाटा नेक्सॉन, महिंद्रा 3XO, किया सोनेट, स्कोडा कायलाक आणि किया सायरोस या गाड्यांना जोरदार टक्कर देईल.
नवीन ब्रेझा फेसलिफ्टचं इंजिन
सध्या ब्रेझाच्या नवीन इंजिनची जोरदार चर्चा सुरू आहे. सध्याच्या १.२ लीटर इंजिनऐवजी नवीन ब्रेझामध्ये १.० लीटरचं टर्बो इंजिन वापरलं जात आहे. हे तेच 'बूस्टरजेट टर्बो पेट्रोल' इंजिन आहे, जे मारुती सुझुकीच्या फ्रँक्स गाडीतही वापरलं गेलं आहे. ३-सिलेंडर असलेलं हे इंजिन ११०hp पॉवर आणि १७०Nm टॉर्क निर्माण करतं. गाडीत ६-स्पीड ट्रान्समिशन मिळेल. ही गाडी ४-मीटरपेक्षा लहान असल्यामुळे टॅक्समध्येही फायदा मिळतो, ज्यामुळे गाडीची ऑन-रोड किंमत खिशाला परवडणारी असेल.
ज्यांना जास्त पॉवर हवी आहे, त्यांच्यासाठी कंपनी १.० लीटर टर्बो इंजिनसोबत १.५ लीटर नॅचरली एस्पिरेटेड पेट्रोल इंजिनचा पर्यायही देऊ शकते, अशी शक्यता आहे. याशिवाय, सीएनजी किटचा पर्यायही उपलब्ध असेल.
गाडीच्या आतमध्ये १०.१ इंचाची इन्फोटेनमेंट सिस्टीम दिली आहे, जी व्हिक्टोरिस गाडीतही वापरली गेली आहे. याशिवाय व्हेंटिलेटेड सीट्स, ॲम्बियंट लायटिंग, फ्रंट पार्किंग सेन्सर, वायरलेस फोन चार्जर, सिंगल-पेन सनरूफ, ऑटोमॅटिक क्लायमेट कंट्रोल, की-लेस एन्ट्री आणि पुश-बटण स्टार्ट यांसारखे अनेक आधुनिक फीचर्स या नवीन गाडीत मिळतील.