अंबानी नाही तर 'या' व्यक्तीच्या लग्नात सहभागी होण्यासाठी भारतात आला झुकेरबर्ग

मुकेश अंबानी यांच्या मुलाच्या लग्नाला उपस्थित राहिलेले मेटाचे सीईओ मार्क झुकेरबर्ग हे याआधीही एका भारतीय लग्नात सहभागी झाले होते. जानेवारी २०१० मध्ये ते फेसबुकचे पहिले कर्मचारी आदित्य अग्रवाल आणि रुची संघवी यांच्या गोव्यातील लग्नाला उपस्थित होते.

देशातील सर्वात श्रीमंत व्यक्ती मुकेश अंबानी यांचा मुलगा अनंत अंबानी यांचा विवाह रिलायन्स कुटुंबाने मोठ्या थाटामाटात साजरा केला. हजारो कोटी रुपये खर्च करून हा विवाह पार पडला. या लग्नाला भारतातील उद्योग, क्रीडा, राजकारण आणि चित्रपट जगतातील अनेक दिग्गजांनी हजेरी लावली होती. अंबानी कुटुंबाच्या या लग्नाला केवळ भारतच नाही तर जगभरातील अनेक प्रसिद्ध व्यक्तींनी हजेरी लावली होती. मेटा सीईओ मार्क झुकेरबर्ग आणि त्यांची पत्नी प्रिसिला चॅन देखील अंबानी कुटुंबाच्या घरी तीन दिवस थांबले. पण मार्क झुकेरबर्ग पहिल्यांदाच भारतीय लग्नात सहभागी होत नव्हते, मेटा चे सीईओ दुसऱ्या लग्नात सहभागी होण्यासाठी भारतात आले होते.

जानेवारी 2010 मध्ये, मार्क झुकेरबर्ग आणि त्याची पत्नी प्रिसिला चॅन हे फेसबुकचे पहिले कर्मचारी आदित्य अग्रवाल आणि रुची संघवी यांच्या लग्नाला उपस्थित राहण्यासाठी भारतात आले होते. हा विवाह गोव्यात झाला. आदित्य अग्रवाल 2005 मध्ये फेसबुकवर काम करू लागले. प्लॅटफॉर्मच्या सर्च इंजिनची जबाबदारी असलेले आदित्य अग्रवाल हे फेसबुकचे उत्पादन अभियांत्रिकीचे पहिले संचालक होते.

गोव्यात झालेल्या या लग्नात सहभागी होण्यासाठी झुकेरबर्ग जवळपास आठवडाभर भारतातच राहिला. या लग्नाला झुकेरबर्गसोबत फेसबुकचे अनेक कर्मचारीही उपस्थित होते. 2015 मध्ये झुकरबर्गने आपल्या फेसबुक पेजवर या लग्नाचा एक फोटो शेअर केला होता.