२००० वेळा नाकारला गेलेला तरुण, प्रेमातून मिळालेल्या धड्यातून उभारली अनोखी कंपनी

अखेर योशिओला डेटिंगमध्ये रस कमी झाला. मात्र, नंतर त्याला त्याची सध्याची जोडीदार भेटली आणि दोघेही एकत्र राहू लागले.

प्रेम करायची आणि प्रेम मिळवायची इच्छा नसलेला माणूस विरळाच. पण जर प्रेम करण्याचा प्रयत्न करूनही सतत अपमान सहन करावा लागला तर काय होईल? अनेक वेळा लोक आपल्याला नाकारतात तेव्हा आपल्याला खूप वाईट वाटते, नाही का? पण आठ वर्षांत २००० वेळा नाकारल्या गेलेल्या माणसाचे काय होईल? तो प्रेमाचाच तिरस्कार करेल असे वाटते का? पण तसे नसते असेही घडते. याचे उत्तम उदाहरण म्हणजे हा माणूस.

जपानमधील योशिओ याला आठ वर्षांत दोन हजार वेळा नाकारण्यात आले. पण मग काय झाले? त्याने स्वतःचा व्यवसाय सुरू केला.

योशिओकडे विज्ञानात पदव्युत्तर पदवी आहे. त्याला वर्षाला २० लाख रुपये स्थिर उत्पन्न होते. पण तो त्याच्या पालकांसोबत राहत होता. हे अनेकांना अडचणीचे वाटले. त्यामुळे त्याचे प्रेम जमले नाही. पहिल्याच डेटिंगनंतर अनेकदा मुली योशिओला ब्लॉक करायच्या.

अखेर योशिओला डेटिंगमध्ये रस कमी झाला. मात्र, नंतर त्याला त्याची सध्याची जोडीदार भेटली आणि दोघेही एकत्र राहू लागले. त्यांना एक मूलही आहे. पण एवढ्यानेच थांबले नाही. अनेक वेळा प्रेमात नाकारला गेलेला असल्याने, योशिओने प्रेमापासून दूर जाण्याऐवजी स्वतःची एक डेटिंग एजन्सी सुरू केली. तिचे नाव योशिओ मॅरेज लॅबोरेटरी (Yoshio Marriage Laboratory).

ही एजन्सी काय करते? ती मोफत प्रेम सल्ला देते, योग्य जोडीदार शोधण्यास मदत करते. अशी ही एजन्सीची कामे आहेत. प्रेमात अनेक वेळा अपयशी ठरलेल्या व्यक्तीसाठी ही योग्य संस्थाच नाही का?