इथे लोक १०० वर्षांहून अधिक जगतात, कारण हे आहे लाइफ सीक्रेट

ग्रीसमधील इकेरिया, इटलीमधील सार्डिनिया, जपानमधील ओकिनावा, कोस्टा रिकामधील निकोया पेनिन्सुला आणि अमेरिकेतील लोमा लिंडा. या पाच ठिकाणांना 'ब्लू झोन्स' म्हटलं जातं.

या ब्लू झोनमधील लोक प्रामुख्याने फळे, भाज्या, डाळी, तृणधान्ये आणि सुकामेवा यांसारख्या शाकाहारी पदार्थांचाच आपल्या आहारात समावेश करतात.

हे लोक आपल्या जेवणात मांसाचा वापर अत्यंत कमी करतात. मात्र, काही विशिष्ट भागांमधील लोक नियमितपणे मासे खाण्याला पसंती देतात.

जपानमधील ओकिनावाचे लोक कधीच पोटभर जेवत नाहीत. पोट ८० टक्के भरलं की ते जेवण थांबवतात. या सवयीमुळे त्यांच्या शरीरातील कॅलरीजचे प्रमाण नियंत्रणात राहते.

हे लोक जिममध्ये जात नाहीत. शेती करणे, चालणे आणि घरातील कामे करणे यांसारख्या दैनंदिन गोष्टींमधूनच ते आपला नियमित व्यायाम पूर्ण करतात.

हे लोक दररोज शरीराला आवश्यक असलेली पुरेशी झोप घेतात. काही भागांमधील लोक दुपारच्या वेळी थोडा वेळ वामकुक्षी घेण्याची सवयही आवर्जून पाळतात.