Kerala Wired Temple : आपल्या देशात अनेक मंदिरे त्यांच्या विचित्र पूजा पद्धतींसाठी ओळखली जातात. केरळमध्ये तर एक असं अनोखं मंदिर आहे, जिथे देवी भद्रकालीची पूजा केली जाते. पण इथली खासियत म्हणजे देवीला शिवीगाळ केली जाते. का ते जाणून घ्या.
हिंदू धर्मात दुर्गा देवीच्या नऊ वेगवेगळ्या रूपांची पूजा केली जाते. यावेळी, भक्त देवीला प्रसन्न करण्यासाठी विविध विधी करतात. यामध्ये मंत्र पठण, हवन आणि इतर धार्मिक विधींचा समावेश असतो.
26
इथे भद्रकाली देवीला शिवीगाळ केली जाते
पण केरळमध्ये भद्रकाली देवीला समर्पित एक असं मंदिर आहे, जिथे भक्त पूजा करताना देवीला शिव्यांचा अभिषेक घालतात, हे ऐकून तुम्हाला आश्चर्य वाटेल. विशेष म्हणजे, हा देवीचा अपमान नसून, भक्तीचाच एक प्रकार मानला जातो.
36
भद्रकाली देवीचे उग्र रूप
केरळमधील या मंदिरात 'कुरुंबा भगवती' म्हणून ओळखल्या जाणाऱ्या देवीच्या उग्र आणि क्रोधित रूपाची पूजा केली जाते. येथील भद्रकालीची मूर्ती ६ फूट उंच असून, तिला ८ हात आहेत. हे देवीचे रौद्र रूप आहे.
दरवर्षी मार्च-एप्रिल महिन्यात या मंदिरात 'भरणी' नावाचा उत्सव साजरा होतो. हा उत्सव शिव्यांनी भरलेला असतो. देवीला प्रसन्न करण्यासाठी हा विधी केला जातो. असं म्हटलं जातं की, हे विधी बहुतेक देवाचे भक्त (Oracles) करतात.
56
ही विचित्र प्रथा का सुरू झाली?
धार्मिक मान्यतेनुसार, रक्तबीजासुर राक्षसासोबतच्या युद्धानंतर देवी भद्रकालीने रौद्र रूप धारण केले. त्यावेळी, भक्तांनी तिला शिवीगाळ करून शांत केले. तेव्हापासून ही अनोखी परंपरा पाळली जात आहे, असं म्हणतात.
66
देवी भद्रकालीचे शुद्धीकरण
भरणी उत्सव संपल्यानंतर, भद्रकालीच्या मूर्तीला चंदनाचा लेप लावून शुद्ध केले जाते. असं म्हणतात की, देवीचा राग शांत झाल्यावर, तिला पुन्हा राग येऊ नये म्हणून चंदन लावले जाते.
