Kitchen Hacks: अॅल्युमिनियम फॉईलची एक सोपी ट्रिक, किचन शेल्फ्स कायम राहतील चकचकीत

किचनमधील शेल्फवर अॅल्युमिनियम फॉईल लावण्याचे अनेक फायदे आहेत. यामुळे तुमचं शेल्फ स्वच्छ ठेवण्याचं काम खूप सोपं होतं. जाणून घ्या किचनमध्ये अॅल्युमिनियम फॉईलचा वापर कसा करता येतो.

साफसफाईचा त्रास वाचवेल शेल्फ्स

आपण किचनचे शेल्फ्स कितीही स्वच्छ केले तरी ते लवकरच तेलकट आणि चिकट होतात. डबे ठेवताना-काढताना हळद, तिखट किंवा तेल सांडून डाग पडतात. यावर उपाय म्हणून अॅल्युमिनियम फॉईल वापरल्यास शेल्फ्स स्वच्छ ठेवण्याचं काम खूप सोपं होतं. ही फॉईल एका संरक्षक कवचाप्रमाणे काम करते आणि साफसफाईचा त्रास वाचवते.

फॉईल खराब झाला, तर बदला

अॅल्युमिनियम फॉईल वापरणं खूप सोपं आहे. आधी शेल्फमधील सर्व डबे काढून घ्या. मग ओल्या फडक्याने शेल्फ पुसून पूर्णपणे कोरडं होऊ द्या. त्यानंतर, शेल्फच्या मापाची फॉईल कापून त्यावर व्यवस्थित पसरा. आता त्यावर पुन्हा डबे ठेवा. यामुळे तेल किंवा मसाले थेट शेल्फवर न सांडता फॉईलवर पडतील. फॉईल खराब झाल्यावर फक्त ती बदलून टाका.

फॉईल फाटल्यास बदला

फॉईल वापरताना काही गोष्टी लक्षात ठेवा. फॉईल लावण्यापूर्वी शेल्फ पूर्णपणे कोरडं असल्याची खात्री करा. फॉईलवर पाणी सांडल्यास किंवा ती फाटल्यास लगेच बदला, नाहीतर खाली ओलावा राहून बुरशी लागू शकते. तसेच, कॅबिनेटमधील हवा खेळती राहण्यासाठी असलेली छिद्रं फॉईलने बंद करू नका. ही पद्धत फक्त स्टोरेज रॅकसाठी वापरा, ओव्हन किंवा स्टोव्हजवळ वापरताना विशेष काळजी घ्या.