Lemon Storage : महिने उलटले तरी लिंबे राहतील एकदम फ्रेश! वाचा टिप्स

बाजारात लिंबाचे भाव रोज वाढत आहेत. आपण एवढे पैसे खर्च करून लिंबे आणतो, पण ती दोन-तीन दिवसांतच सुकतात. तुम्ही एक सोपी पद्धत वापरली, तर हीच लिंबे अनेक महिने ताजी राहू शकतात. ती पद्धत कोणती, ते आपण जाणून घेऊया.

लिंबू साठवण्याची योग्य पद्धत

आपल्या घरात रोजच्या जेवणात लिंबाचा वापर होतोच. सॅलड, भाज्या किंवा सरबत बनवण्यासाठी आपण लिंबू वापरतो. अनेकदा आपण बाजारातून एकदम भरपूर लिंबे आणतो. पण ती योग्य पद्धतीने साठवली नाहीत, तर लवकर सुकतात आणि त्यातील रस कमी होतो. तुम्ही काही सोप्या टिप्स फॉलो केल्या, तर ही लिंबे आठवडे किंवा महिनेच नाही, तर वर्षभर ताजी राहू शकतात.

लिंबामधील गुणधर्म

लिंबामध्ये सायट्रिक ॲसिड असते. हे ॲसिड आपली पचनक्रिया सुधारण्यास मदत करते. कोणत्याही पदार्थावर थोडे लिंबू पिळले, तर त्याची चव अप्रतिम लागते. याशिवाय लिंबामध्ये 'क' जीवनसत्त्व (Vitamin C) भरपूर प्रमाणात असते. हे जीवनसत्त्व आपली रोगप्रतिकारक शक्ती वाढवण्याचे काम करते.

वाचा ट्रिक्स

१. पाण्यात साठवणे: एका हवाबंद डब्यात लिंबे ठेवा आणि ती पूर्ण बुडतील एवढे पाणी भरा. डबा घट्ट बंद करून फ्रिजमध्ये ठेवा. यामुळे लिंबे सुकत नाहीत आणि जास्त काळ ताजी राहतात.

२. टिश्यू पेपरमध्ये गुंडाळणे: लिंबे धुवून पूर्ण कोरडी करा. प्रत्येक लिंबू टिश्यू पेपर किंवा वर्तमानपत्रात गुंडाळा आणि झिप-लॉक बॅगमध्ये किंवा डब्यात ठेवून फ्रिजमध्ये ठेवा. यामुळे ती आठवडेभर ताजी राहतात.

३. तेल लावणे: लिंबे धुवून कोरडी करा. त्यांच्या सालावर मोहरीचे किंवा कोणतेही खाद्यतेल हलकेच लावा. त्यानंतर ती डब्यात भरून फ्रिजमध्ये ठेवा. तेलामुळे लिंबातील ओलावा टिकून राहतो आणि ती सुकत नाहीत. तुम्ही जास्त लिंबे आणली असतील, तर या सोप्या पद्धती नक्की वापरून पाहा.