Maggi Masala : फक्त १० मिनिटांत घरीच बनवा मॅगी मसाला, पाहा सोपी पद्धत!

लहानांपासून मोठ्यांपर्यंत सर्वांनाच मॅगी खूप आवडते. ती हेल्दी नाही हे माहीत असूनही आपण ती खातो. बाहेर मिळणाऱ्या मसाल्यात अजिना मोटो असतो. तो आरोग्यासाठी अजिबात चांगला नसतो.

Maggi Masala

लहानांपासून मोठ्यांपर्यंत सर्वांचीच आवडती डिश म्हणजे मॅगी. मॅगीला खरी टेस्ट तिच्या मसाल्यामुळेच येते. पण बाजारात मिळणाऱ्या मॅगी मसाल्यात चवीसाठी अनेक प्रिझर्व्हेटिव्ह्ज आणि केमिकल्स वापरतात. हे आपल्या आरोग्यासाठी चांगले नसते. रोज किंवा वारंवार असा मसाला खाल्ल्याने आजार होऊ शकतात. मग यावर उपाय काय? तुम्ही कोणत्याही केमिकल्सशिवाय अगदी काही मिनिटांत घरीच बाजारासारखा टेस्टी 'मॅगी मसाला' बनवू शकता.

इतक्या सोप्या पद्धतीने बनवा मॅगी मसाला

सर्वात आधी एका पॅनमध्ये लवंग, काळी मिरी, धने, तमालपत्र, जिरे, बडीशेप आणि सुक्या लाल मिरच्या घ्या. हे सर्व मसाले मंद आचेवर काही सेकंद भाजून घ्या. असे केल्याने मसाल्यांमधील ओलावा निघून जातो आणि मसाला जास्त काळ टिकतो. तुम्ही हे मसाले उन्हातही वाळवू शकता. भाजल्यानंतर ते एका प्लेटमध्ये काढून पूर्णपणे थंड होऊ द्या.

मसाल्याची बारीक पावडर करा

थंड झालेले मसाले मिक्सरच्या भांड्यात टाका. त्यात लाल तिखट, हळद, मीठ, गार्लिक पावडर (लसूण पावडर), अनियन पावडर (कांदा पावडर) आणि व्हेजिटेरियन अरोमॅटिक पावडर घाला. हे सर्व एकत्र करून त्याची बारीक आणि स्मूथ पावडर बनवा. तुमचा मॅगी मसाला तयार आहे!

हा मसाला हवाबंद डब्यात (एअर टाईट कंटेनर) साठवून ठेवा. यामुळे मसाल्याचा सुगंध आणि चव टिकून राहते. हा घरगुती मसाला तुम्ही फक्त मॅगीसाठीच नाही, तर नूडल्स, भाज्या किंवा इतर पदार्थांमध्येही वापरू शकता. फक्त एक चिमूटभर मसाला टाका आणि अप्रतिम चवीचा आनंद घ्या.