Home Gardening: अनेक ठिकाणी उन्हाळ्यातही हवेत प्रदूषण कायम असतं. त्यात कडक उन्हामुळे घरात एक प्रकारचा कोंदटपणा जाणवतो. अशावेळी काही खास झाडं लावून तुम्ही घरातली हवा शुद्ध ठेवू शकता आणि थंडावाही मिळवू शकता.
संपूर्ण भारतात उन्हाळा चांगलाच तापला आहे. अनेक ठिकाणी सूर्य आग ओकतोय. अशावेळी थंडावा मिळावा म्हणून लोक एसी, कुलर लावतात. पण तुम्हाला माहित आहे का, की घरातली झाडंही खोली थंड ठेवतात? आम्ही तुम्हाला अशाच 5 सोप्या झाडांबद्दल सांगणार आहोत, जी तुम्ही घरात लावून घराचं सौंदर्य वाढवू शकता आणि खोली थंडही ठेवू शकता.
26
ऑर्किड
ऑर्किड त्याच्या सुंदर फुलांसाठी ओळखलं जातं. हे झाड घराच्या सजावटीला एक वेगळाच लुक देतं. ऑर्किडला मातीची गरज नसते, त्याला दगडांच्या कुंडीतही वाढवता येतं. फक्त त्याच्या मुळांमध्ये थोडा ओलावा टिकून राहिला पाहिजे. योग्य काळजी घेतल्यास हे झाड दीर्घकाळ फुलत राहतं.
36
पोथोस
पोथोस हे एक वेगाने वाढणारं इनडोअर प्लांट आहे. त्याची हृदयाच्या आकाराची पानं खूप आकर्षक दिसतात. याची वेल पाण्यातही सहज वाढते. याला कमी प्रकाशात आणि वेगवेगळ्या हवामानातही ठेवता येतं. पण, याला थेट सूर्यप्रकाशात ठेवू नका, कारण तीव्र उन्हामुळे त्याची पानं खराब होऊ शकतात.
लकी बांबू आजकाल बहुतेक घरांमध्ये आणि ऑफिसमध्ये दिसतो. हे झाड मातीशिवाय सहज वाढतं. याला फक्त पाण्यात ठेवता येतं. यासाठी एका काचेच्या भांड्यात लहान दगड टाकून झाड सेट करा आणि त्यात थोडं पाणी भरा. झाडाची मुळं नेहमी पाण्यात बुडलेली राहतील याची काळजी घ्या. नेहमी हिरव्या पानांचं झाड निवडा, कारण पिवळी किंवा तपकिरी पानं झाडाच्या खराब आरोग्याचं लक्षण असतं.
56
मनी प्लांट
मनी प्लांट हे सर्वात लोकप्रिय इनडोअर प्लांट्सपैकी एक आहे. याला पाण्यात वाढवणं खूप सोपं आहे आणि त्यासाठी माती किंवा खताची गरज नसते. हे झाड घरातली हवा शुद्ध करण्यास मदत करतं आणि सकारात्मक ऊर्जेचं प्रतीक मानलं जातं. याची काळजी घेणं खूप सोपं आहे, त्यामुळे प्रत्येक घरासाठी हा एक उत्तम पर्याय आहे.
66
स्नेक प्लांट
स्नेक प्लांटला सर्वोत्तम एअर-प्युरिफायिंग प्लांट मानलं जातं. हे कमी प्रकाशात आणि कमी पाण्यातही सहज वाढतं, त्यामुळे याची काळजी घेणं खूप सोपं आहे. रात्रीही ऑक्सिजन सोडणारं हे झाड बेडरूम आणि लिव्हिंग रूमसाठी एक उत्तम पर्याय आहे.
