Hot Beverages : गरमागरम चहा-कॉफी पिताय? थांबा! ही एक चूक कॅन्सरचा धोका वाढवू शकते

अनेकांची सकाळ गरमागरम चहा किंवा कॉफीशिवाय होत नाही. पण तुम्हाला माहिती आहे का, की पेयाच्या चवीइतकंच त्याचं तापमानही महत्त्वाचं आहे? जास्त गरम पेय पिण्याने आरोग्याला गंभीर धोका निर्माण होऊ शकतो.

चहा पिण्याची सवय

चहा आणि कॉफीसारखी पेये आपल्या रोजच्या जगण्याचा एक महत्त्वाचा भाग बनली आहेत. पण आपण फक्त पेयाच्या प्रकाराकडे लक्ष देतो, त्याच्या तापमानाकडे नाही. आंतरराष्ट्रीय कर्करोग संशोधन संस्थेने (IARC) 65°C पेक्षा जास्त गरम पेयांना 'ग्रुप 2A' मध्ये ठेवलं आहे. याचा अर्थ, ही पेये माणसांमध्ये कॅन्सरचा धोका वाढवू शकतात.

कॉफी पिण्याची सवय

अन्ननलिका म्हणजे तोंडातून पोटात अन्न नेणारी नळी. जेव्हा तुम्ही वारंवार खूप गरम पेय पिता, तेव्हा या नलिकेच्या आतील भागाला उष्णतेमुळे इजा पोहोचते. IARC च्या अभ्यासानुसार, जास्त गरम पेय पिण्याचा आणि अन्ननलिकेच्या कर्करोगाचा थेट संबंध असल्याचे पुरावे सापडले आहेत.

चहामुळे आरोग्यावर होणारे परिणाम

इथे एक गोष्ट लक्षात घ्यायला हवी की धोका चहा किंवा कॉफीमुळे नाही, तर त्याच्या तापमानामुळे आहे. IARC च्या मते, 65°C पेक्षा जास्त गरम असलेली पेयेच 'खूप गरम' मानली जातात. किती प्रमाणात किंवा किती वर्षं गरम पेय प्यायल्यास कॅन्सर होतो, हे मात्र कोणत्याही अभ्यासात निश्चितपणे सांगितलेलं नाही.

गरम चहा

यासाठी चहा किंवा कॉफी सोडण्याची अजिबात गरज नाही. फक्त एक सोपा बदल करा. कपमध्ये पेय ओतल्यावर लगेच पिण्याऐवजी काही वेळ थांबा. तापमान थोडे कमी झाल्यावर आरामात प्या. IARC च्या अभ्यासातही पेय पिण्यापूर्वी थांबण्याच्या वेळेवर भर देण्यात आला आहे.

चहा-कॉफीमधील धोका

जर एखादे पेय तुमच्या जिभेला किंवा तोंडाला चटका देईल इतके गरम असेल, तर ते पिणे टाळा. खूप गरम पेये सतत प्यायल्याने अन्ननलिकेला होणारी इजा टाळता येते. पण, अन्ननलिकेच्या कॅन्सरसाठी फक्त गरम पेयंच नाही, तर धूम्रपान आणि मद्यपान यांसारखी इतर कारणंही तितकीच जबाबदार आहेत.