Custard Apple : सीताफळाच्या बिया काढणं वाटतंय कठीण? १० सेकंदात बिया वेगळ्या करण्याची सोपी ट्रिक!

सीताफळ खायला सगळ्यांनाच आवडतं, पण त्यातल्या बिया काढणं खूप कंटाळवाण्याचं काम असतं. पण एक सोपी ट्रिक वापरून तुम्ही फक्त १० सेकंदात सीताफळाच्या सगळ्या बिया सहज वेगळ्या करू शकता. त्यानंतर तुम्ही मस्तपैकी सीताफळाचा गर एन्जॉय करू शकता.

सीताफळ खाताना कंटाळा येतोय?

सध्या सीताफळाचा सीझन सुरू झालाय. बाजारात सगळीकडे मस्त पिकलेली सीताफळं दिसत आहेत. तोंडात टाकताच विरघळणारं गोड सीताफळ कोणाला आवडणार नाही? सगळ्यांनाच ते खायला आवडतं. पण खरी अडचण येते ती त्यातल्या बियांमुळे. एका फळात डझनभर बिया असतात. त्या काढत बसल्यामुळे फळ खाण्याची मजाच निघून जाते. पण जास्त मेहनत न घेता, काही सेकंदात सगळ्या बिया काढून तुम्हाला सीताफळाचा गर एन्जॉय करायचा असेल, तर ही छोटी ट्रिक नक्की फॉलो करा. ती ट्रिक काय आहे ते आता पाहूया...

बिया काढण्याची भन्नाट हॅक

सगळ्यात आधी सीताफळाचे दोन भाग करा. आता एका चमच्याने फळातला सगळा गर बियांसकट काढून एका बाऊलमध्ये ठेवा. त्यानंतर हा गर फूड चॉपरमध्ये टाका आणि काही सेकंद ग्राइंड करा. बस्स! गरातून बिया आपोआप वेगळ्या होतील. आता या बिया काढून टाका आणि सीताफळाचा गोड गर मजेत खा. अशा प्रकारे बिया काढल्या तर लहान मुलंही आवडीने सीताफळ खातील. एवढंच नाही, तर काही गोड पदार्थ आणि आईस्क्रीम बनवण्यासाठीही तुम्ही हा गर वापरू शकता. याची चव खूप छान लागते.

सीताफळ खाण्याचे फायदे

सीताफळ फक्त चवीलाच भारी नसतं, तर त्याचे आरोग्यासाठीही अनेक फायदे आहेत. या फळात भरपूर पोषक घटक असतात. यात फायबरचं प्रमाण जास्त असतं. यामुळे पचनक्रिया सुधारते, बद्धकोष्ठतेचा त्रास कमी होतो आणि आतड्यांचं आरोग्य चांगलं राहतं. याशिवाय, या फळात व्हिटॅमिन सी भरपूर प्रमाणात असतं. यामुळे रोगप्रतिकारक शक्ती वाढते. फळातले अँटी-ऑक्सिडंट्स शरीरातील फ्री रॅडिकल्सशी लढतात आणि त्वचा तरुण ठेवण्यास मदत करतात. फळातील नैसर्गिक गोडवा, हेल्दी फॅट्स आणि कार्बोहायड्रेट्स शरीराला चांगली ऊर्जा देतात. हृदयाचं आरोग्य सुधारण्यासाठी आणि बीपी कंट्रोलमध्ये ठेवण्यासाठीही सीताफळ फायदेशीर ठरतं. जीवनसत्त्वे आणि खनिजांनी समृद्ध असलेल्या या फळाचा तुम्ही रोजच्या आहारात नक्की समावेश करू शकता.