Face Pack : चेहऱ्यावर ग्लो आणण्यासाठी घरीच बनवा 3 सोपे नॅचरल फेस पॅक
सार
कोरफड जेल आणि काकडीचा रस एकत्र करून एक पॅक बनवा आणि तो चेहऱ्याला लावा. चेहरा सुंदर दिसण्यासाठी आणि त्यावर ग्लो येण्यासाठी हा एक उत्तम उपाय आहे.
मुंबई : आपल्या स्किनची काळजी घेण्यासाठी बाजारातल्या केमिकलयुक्त प्रोडक्ट्सपेक्षा घरगुती आणि नैसर्गिक उपाय वापरणं नेहमीच फायद्याचं ठरतं. घरातल्या साध्या गोष्टी वापरून तुम्ही मस्त फेस पॅक बनवू शकता, जे तुमच्या स्किनसाठी पूर्णपणे सुरक्षित असतील.
१. बेसन आणि दह्याचा पॅक
एक चमचा बेसन आणि थोडं दही घ्या. हे दोन्ही चांगलं मिक्स करून एक पेस्ट बनवा. ही पेस्ट चेहऱ्याला आणि मानेला लावा. २० मिनिटांनी चेहरा स्वच्छ पाण्याने धुवा. दह्यामध्ये लॅक्टिक ॲसिड, प्रोटीन्स आणि प्रोबायोटिक्स असतात, ज्यामुळे स्किनला नैसर्गिक पोषण मिळतं आणि त्वचा उजळते.
२. कोरफड आणि काकडीचा पॅक
कोरफडीचा ताजा गर (Aloevera Gel) आणि थोडा काकडीचा रस एकत्र करा. हा पॅक चेहऱ्यावर लावा. चेहरा सुंदर आणि तजेलदार दिसण्यासाठी हा एक उत्तम उपाय आहे. कोरफड स्किनला मॉइश्चराइझ करते, उन्हामुळे काळवंडलेल्या त्वचेला (sunburn) आराम देते आणि छोट्या जखमा भरून काढायलाही मदत करते.
३. पपई आणि मधाचा पॅक
दोन चमचे पिकलेल्या पपईची पेस्ट घ्या आणि त्यात थोडं मध घालून चांगलं मिक्स करा. हा पॅक चेहऱ्यावर लावा. चांगल्या रिझल्टसाठी तुम्ही आठवड्यातून दोन ते तीन वेळा हा पॅक वापरू शकता. यामुळे चेहऱ्यावर एक वेगळाच ग्लो येतो.