DIY Planters : महागड्या कुंड्या विसरा! फक्त 20 रुपयांत थर्माकोलपासून बनवा आकर्षक मिनी प्लांटर्स

Thermocol mini planters : घरासाठी महागड्या कुंड्या विकत घेऊन कंटाळला असाल, तर आता फक्त २० रुपयांच्या थर्माकोलपासून स्टायलिश मिनी प्लांटर्स बनवा. कमी बजेटमध्ये घराला एस्थेटिक लुक देणाऱ्या या आयडियाज नक्की ट्राय करा.

Thermocol mini planters : आजकाल घरामध्ये इनडोअर प्लांट्स ठेवण्याचा ट्रेंड खूप वाढला आहे. ही झाडं केवळ हवा शुद्ध करत नाहीत, तर घराच्या सजावटीचा एक महत्त्वाचा भाग बनली आहेत. पण या झाडांसाठी चांगल्या, एस्थेटिक कुंड्या घ्यायच्या म्हणजे मोठा खर्च. जर तुमचं बजेट कमी असेल आणि तुम्हालाही घरात सुंदर कुंड्या हव्या असतील, तर फक्त २० रुपयांच्या थर्माकोलपासून तुम्ही आकर्षक मिनी प्लांटर्स बनवू शकता. यात तुम्ही सक्युलेंट, कॅक्टस आणि जेड प्लांटसारखी छोटी झाडं लावू शकता. चला, पाहूया या सोप्या आयडियाज.

सिंपल क्यूब प्लांटर

ही सर्वात सोपी DIY पद्धत आहे. यासाठी थर्माकोलला एका क्यूबच्या आकारात कापून घ्या. त्यानंतर मधला भाग पोकळ करा, जेणेकरून त्यात एक छोटं रोपटं ठेवता येईल. सँडपेपरच्या मदतीने त्याच्या कडांना शार्प लुक द्या. याला आणखी स्टायलिश बनवण्यासाठी काळा किंवा पेस्टल रंगाने पेंट करा. यात थेट पाणी असलेली झाडं लावू नका. त्याऐवजी, आत एक छोटा प्लास्टिक कप ठेवा. शेवटी वार्निशचा एक कोट देऊन याला फायनल टच द्या.

हँगिंग बॉल थर्माकोल प्लांटर

थर्माकोलच्या मदतीने तुम्ही सुंदर हँगिंग प्लांटरसुद्धा बनवू शकता. यासाठी एक थर्माकोलचा बॉल घ्या आणि तो अर्धा कापा. आता त्याचा मधला भाग काढून त्याला पोकळ करा. याला लक्झरी लुक देण्यासाठी टेक्सचर किंवा स्टोन फिनिश पेंट करा. त्याच्या कडांना छोटी छिद्रं पाडून दोऱ्या लावा. यात थेट रोपटं लावण्याऐवजी नर्सरी पॉट ठेवा. यामुळे ते मॉडर्न दिसेल आणि हँगिंग बास्केटचा खर्चही वाचेल. यामध्ये तुम्ही मनी प्लांट, आयव्ही सारखी झाडं लावू शकता.

थर्माकोल काँक्रीट प्लांटर

काँक्रीटसारखा लुक देण्यासाठी तुम्हाला थर्माकोल कंटेनर, ग्रे ॲक्रेलिक किंवा सिमेंट टेक्सचर पेंट, मॉड पॉज किंवा पांढरा गोंद आणि एक स्पंज ब्रश लागेल. आधी एक थर्माकोल कंटेनर घ्या. नसेल तर तुम्ही तो घरीही बनवू शकता. त्याच्या कडांना थोडं रफ आणि अनइव्हन (uneven) शेप द्या. मजबुतीसाठी त्यावर गोंदाचा एक थर लावा. शेवटी, स्पंजच्या मदतीने त्याला काँक्रीटसारखा लुक द्या. रंगाने डिझाइन बनवून त्याला खरा इफेक्ट द्या आणि सुकण्यासाठी ठेवून द्या.

थर्माकोल प्लांटर बनवताना या गोष्टी लक्षात ठेवा

• थर्माकोलवर थेट पाणी पडल्यास ते विरघळू शकतं, त्यामुळे लाइनर किंवा नर्सरी पॉट्सचा वापर करा.
• थर्माकोलमध्ये कधीही थेट पाणी टाकू नका.
• पेंट केलेल्या भागावर वार्निश किंवा गोंदाचं कोटिंग नक्की करा.
• या कुंड्यांना जास्त उष्णता असलेल्या ठिकाणी ठेवू नका.
• हे प्लांटर्स वजनाने हलके असल्यामुळे शेल्फ आणि भिंतीच्या सजावटीसाठी उत्तम पर्याय आहेत.