पूर्वीच्या काळी जेव्हा मेंदीचे कोन नव्हते, तेव्हाही बायका हात रंगवायच्या. मेंदीची पानं नसताना हातावर रंग कसा चढवला जायचा, माहिती आहे का? तुम्ही सुद्धा ही सोपी, केमिकल-फ्री मेंदी घरच्या घरी बनवू शकता.
लग्न असो किंवा सण, महिलांच्या हातावर मेंदी हमखास दिसते. हातभर मेंदी काढण्याचा आनंद काही वेगळाच असतो. पूर्वी मेंदीची पानं वाटून बोटांना लावली जायची. त्यानंतर वाटलेली मेंदी कोनच्या रूपात बाजारात आली. आता तर अनेक कंपन्यांचे मेंदी कोन मिळतात. काही मेंदी तर क्षणात रंगतात, पण त्यात केमिकल टाकलेलं असतं, असं म्हटलं जातं.
26
केमिकल-फ्री मेंदी
तुम्ही आजही जुन्या काळातल्या ट्रिक्स वापरू शकता. ही आहे केमिकल-फ्री मेंदी. घरात मेंदीची पानं नसतील किंवा कोन आणायला विसरलात, तर किचनमधल्या फक्त दोन वस्तू वापरून तुम्ही नखं आणि हात लालभडक रंगवू शकता.
36
नैसर्गिक मेंदी
मेंदीची पानं न वापरता आणि केमिकलशिवाय हात रंगवायचे असतील, तर चहा पावडर आणि साखर वापरा. साखर आणि चहा पावडर समान प्रमाणात घ्या. यासाठी तुम्हाला बर्फाचे तुकडे, एक कढई, एक प्लेट आणि कुंकू लागेल.
सगळ्यात आधी एका कढईत साखर आणि चहा पावडर एकत्र करा. गॅस सुरू करून हे मिश्रण गरम करा. गरम करण्यापूर्वी, कढईच्या मध्यभागी जागा करून तिथे एक छोटी वाटी ठेवा. नंतर कढईवर एक प्लेट झाका. झाकलेल्या प्लेटवर काही बर्फाचे तुकडे ठेवा. प्लेट हलू नये म्हणून त्यावर एखादी जड वस्तू ठेवा. गॅसची आच कमी करून अर्धा तास तसंच राहू द्या. नंतर गॅस बंद करून कढईवरची प्लेट हळूवारपणे काढा.
56
कुंकू मिक्स करा
प्लेटवरचं पाणी कढईत पडणार नाही याची काळजी घ्या. तुम्ही कढईच्या मधोमध ठेवलेल्या वाटीत साखर आणि चहा पावडरचं पाणी जमा झालेलं दिसेल. ती वाटी हळूच बाहेर काढा. हे मिश्रण पातळ असल्यामुळे त्यात थोडं कुंकू घाला आणि व्यवस्थित एकत्र करा.
66
फक्त दहा मिनिटांत हाताचा रंग बदलेल
मिश्रण थोडं घट्ट झाल्यावर ते बोटांच्या टोकांना आणि तळहाताच्या मध्यभागी मेंदीसारखं लावा. दहा मिनिटं तसंच ठेवा. त्यानंतर स्वच्छ पाण्याने हात धुवा. तुमचे हात अगदी मेंदी लावल्यासारखे लालभडक झालेले दिसतील.
