चंद्रग्रहण 7 सप्टेंबरला : सूतक काळात काय करावे काय करु नये? उजैनचे ज्योतिषाचार्य पं. मनीष शर्मा सांगताहेत

२०२५ चं दुसरं चंद्रग्रहण ७ सप्टेंबर, रविवारी आहे. हे ग्रहण भारतातही दिसणार आहे, म्हणून इथे सूतक पाळावं लागेल. सूतकात काही खास गोष्टी करायला मनाई असते. जाणून घ्या सूतकात काय करावं आणि काय नाही. सांगताहेत उज्जैनचे ज्योतिषाचार्य पं. मनीष शर्मा.

चंद्रग्रहणाच्या सूतकात काय करावं?

चंद्रग्रहणाचे महत्त्व- हिंदू धर्मात चंद्रग्रहण अशुभ मानले जाते. असे मानले जाते की ग्रहणाचा वाईट परिणाम फक्त देश-विदेशावरच नाही, तर लोकांवरही होतो. त्यामुळे या काळात काही गोष्टी करणे टाळायला सांगितले आहे. असे न केल्यास भविष्यात अडचणी येतात असे मानले जाते.

७ सप्टेंबर २०२५ चंद्रग्रहण वेळ

उज्जैनचे ज्योतिषाचार्य पं. मनीष शर्मा यांनी सांगितल्याप्रमाणे, ७ सप्टेंबर २०२५ रोजी होणाऱ्या चंद्रग्रहणाचे आणि सूतकाचे वेळापत्रक असेल:

• ग्रहणाची वेळ: रात्री ९:५७ ते पहाटे १:२७
• सूतकाची सुरुवात: दुपारी १२:५७ पासून
• सूतकाचा शेवट: ग्रहण संपल्यावर (१:२७ वाजता)
• म्हणजेच ७ सप्टेंबर रोजी दुपारी १२:५७ पासून सूतकाचे नियम पाळावे लागतील.

सूतकात काय करू नये?

• या काळात पूजा-पाठ करु नये.
• ग्रहणाच्या वेळी घराबाहेर जाऊ नये आणि नुसत्या डोळ्यांनी ग्रहण पाहू नये.
• या काळात अन्न शिजवणे किंवा खाणे टाळावे.
• गर्भवती स्त्रियांनी ग्रहणाच्या वेळी बाहेर पडू नये. यामुळे बाळावर वाईट परिणाम होऊ शकतो असे मानले जाते.
• सूतकाच्या काळात झोपणे किंवा आडवे पडणेही योग्य नाही.

सूतकात काय करता येईल?

• यावर्षी श्राद्ध पक्षाच्या पहिल्या दिवशीच चंद्रग्रहण असल्याने पिंडदान, तर्पण यासारखी कामे सूतक सुरू होण्यापूर्वी करा.
• सूतक सुरू होण्याआधी देवळातील देवाची मूर्ती किंवा मंदिर पडद्याने झाकून ठेवा.
• सूतकात आपल्या ईष्टदेवाचे मंत्रजप करू शकता.
• अन्न पदार्थांमध्ये सूतक सुरू होण्यापूर्वी तुळशीची पाने टाकावीत, त्यामुळे ते नंतरही खाण्यायोग्य राहतात.
• या काळात ब्रह्मचर्य पाळणे विशेष महत्त्वाचे मानले जाते.