तुमची त्वचा कोरडी झाली आहे आणि चेहऱ्यावरचा ग्लो गेलाय का? डोळ्यांखाली काळी वर्तुळं आणि सुरकुत्यांचा त्रास होतोय? मग रात्री झोपण्यापूर्वी बदामाच्या तेलाचे फक्त २ थेंब चेहऱ्याला लावून मसाज करून बघा.
मुंबई : बदलत्या हवामानामुळे त्वचा कोरडी (ड्राय) होऊ लागते. यावर उपाय म्हणून चेहऱ्याला बदामाच्या तेलाने (Almond Oil) थोडा वेळ मसाज करणं खूप फायदेशीर ठरतं. चला, जाणून घेऊया बदामाचं तेल चेहऱ्याला लावल्याने कोणते फायदे मिळतात.
26
चेहऱ्याला हायड्रेटेड ठेवते
तुमची त्वचा खूप कोरडी, निस्तेज आणि निर्जीव दिसत असेल, तर तिला अधिक पोषणाची गरज आहे. यासाठी रोज चेहऱ्याला बदामाच्या तेलाने मसाज करा. बदामाचं तेल त्वचेसाठी खूप हलकं (Lightweight) आणि फायदेशीर असतं. हे तेल त्वचेला खोलवर पोषण देतं आणि चेहरा नेहमी हायड्रेटेड (Hydrated) ठेवतं.
36
यामध्ये आहे कमी चिकटपणा
कोरड्या त्वचेसाठी बदामाचं तेल एक उत्तम उपाय आहे. इतर तेलांच्या तुलनेत हे कमी चिकट असतं. बदामाच्या तेलात व्हिटॅमिन 'ई', फॅटी ॲसिड (Fatty Acids) आणि अँटीऑक्सिडंट्स (Antioxidants) भरपूर प्रमाणात असतात. हे घटक त्वचेला मुलायम, गुळगुळीत आणि चमकदार ठेवतात.
डोळ्यांखालील काळी वर्तुळं (Dark Circles) किंवा सूज कमी करण्यासाठी बदामाच्या तेलाचा वापर करता येतो. ज्यांची त्वचा संवेदनशील (Sensitive Skin) आहे, त्यांच्यासाठीही हे तेल खूप चांगलं आहे. आंघोळीनंतर बदामाचं तेल लावल्यास त्वचेतील नैसर्गिक ओलावा टिकून राहतो.
56
उन्हामुळे त्वचा काळी पडल्यास
चेहऱ्यावरील टॅनिंग (उन्हामुळे काळवंडलेली त्वचा) कमी करण्यासाठी रोज बदामाच्या तेलाने मसाज करा. यामुळे चेहऱ्यावरील काळे डाग कमी होतात आणि चेहऱ्यावर नैसर्गिक चमक येते. यातील व्हिटॅमिन 'ई' फाईन लाईन्स (Fine lines) आणि सुरकुत्या (Wrinkles) कमी करण्यास मदत करते.
66
त्वचा नेहमी चमकेल
बदामामध्ये ऑक्सिडेटिव्ह स्ट्रेस कमी करणारे पोषक घटक असतात. तुमची त्वचा खूपच खडबडीत (Rough skin) झाली असेल, तर रात्री झोपण्यापूर्वी बदामाच्या तेलाने मसाज करा. हातावर फक्त २ थेंब तेल घेऊन संपूर्ण चेहऱ्याला लावा आणि हलक्या हातांनी मसाज करा. यामुळे तुमची त्वचा नेहमी चमकदार आणि तजेलदार दिसेल.
