उन्हाळा म्हटलं की डोळ्यासमोर रखरखीतपणा येतो, पण बागकामाची आवड असणारे लोक या दिवसांतही बाग फुलवू शकतात. तुम्हालाही तुमची बाल्कनी रंगीबेरंगी फुलांनी सजवायची असेल, तर ही ७ फुलझाडं नक्की लावा.
उन्हाळ्यात कंदापासून फुलणारी झाडं लावणं हा एक उत्तम पर्याय आहे. यामुळे तुमची बाग आणि बाल्कनी ताजीतवानी आणि प्रफुल्लित दिसते. ही झाडं जमिनीखाली कंद (bulb), ट्यूबर (tuber) किंवा कॉर्म (corm) स्वरूपात वाढतात. योग्य काळजी घेतल्यास, ती वेगाने वाढतात आणि सुंदर फुलं देतात. या झाडांना जास्त मेहनतीची गरज नसते आणि एकदा लावल्यावर ती बराच काळ बागेला सौंदर्य देतात.
28
कॅला लिली (Calla lily)
हे झाड त्याच्या आकर्षक आणि शोपीससारख्या फुलांसाठी ओळखलं जातं. त्यामुळे फुलविक्रेत्यांची ही पहिली पसंती आहे. याची रुंद हिरवी पानं आणि आकर्षक स्पॅथ (spath) फुलं खूपच स्टायलिश दिसतात. हे झाड रायझोम (rhizome) किंवा ट्यूबरमधून (tuber) उगवलं जातं आणि कुंड्यांमध्येही छान फुलतं. उन्हाळ्यात याला भरपूर फुलं येतात.
38
ग्लॅडिओलस (Gladiolus)
लांब दांड्यावर येणारी ट्रम्पेटच्या आकाराची फुलं या झाडाला 'कटिंग गार्डन'चा स्टार बनवतात. जवळपास प्रत्येक रंगात उपलब्ध असलेलं हे झाड भरपूर सूर्यप्रकाश आणि चांगला निचरा होणाऱ्या मातीत उत्तम वाढतं. उन्हाळ्यासाठी हे एक बेस्ट झाड आहे.
शेकडो प्रजाती असलेलं हे बहुवार्षिक झाड वेगवेगळ्या ऋतूंमध्ये फुलतं. याची रंगीबेरंगी आणि सुंदर नक्षी असलेली फुलं बागेत एक खास आकर्षण निर्माण करतात. पूर्ण सूर्यप्रकाशात लावल्यास याला जास्त फुलं येतात.
58
एशियाटिक लिली (Asiatic lily)
ही लिली खूप काटक आणि कमी देखभालीची असून उन्हाळ्याच्या सुरुवातीला फुलते. याच्या सुगंध नसलेल्या फुलांचे अनेक रंग आणि प्रकार पाहायला मिळतात. बागेत इतर झाडांसोबत किंवा कुंडीत लावण्यासाठी हा एक उत्तम पर्याय आहे.
68
डेलिया (Dahlia)
डेलिया हे उन्हाळ्यातील सर्वात लोकप्रिय फूल आहे. याचे लहान पॉमपॉम आकारापासून ते मोठ्या डिनर प्लेटच्या आकारापर्यंतचे प्रकार मिळतात. हे झाड पूर्ण सूर्यप्रकाशात चांगलं वाढतं आणि फुलदाणीत ठेवण्यासाठी (cut flower) उत्तम आहे. तुम्ही हे झाड बाल्कनी किंवा बागेत लावू शकता. हे अनेक रंगांमध्ये उपलब्ध आहे.
78
मेक्सिकन शेल फ्लॉवर (Mexican Shell Flower)
तीन पाकळ्या आणि त्यावर असलेले ठिपके या फुलाला खूपच युनिक बनवतात. याचं प्रत्येक फूल फक्त एका दिवसासाठी उमलतं, पण एकाच दांड्यावर अनेक कळ्या येतात. उन्हाळ्यासाठी हे झाडही परफेक्ट आहे. याला जास्त देखभालीची गरज नसते.
88
बेगोनिया (Begonia)
बेगोनिया अनेक रंगांमध्ये मिळतात आणि उन्हाळ्यात सतत फुलत राहतात. या झाडाला सुकलेली फुलं काढण्याची (डेडहेडिंग) गरज नसते. कुंड्या, हँगिंग बास्केट किंवा खिडकीत ठेवण्यासाठी हे झाड परफेक्ट आहे. जिथे हलका सूर्यप्रकाश येतो, तिथे तुम्ही हे झाड लावू शकता.
