कॅन्सरच्या वाढत्या केसेस सध्या खूप चिंतेचा विषय बनल्या आहेत. पण एक गोष्ट लक्षात ठेवा, कॅन्सर काही एका रात्रीत होत नाही. आपल्या रोजच्या वापरातील काही गोष्टीही याला कारणीभूत ठरू शकतात.
रोजच्या वापरातील या ६ वस्तूंमुळे वाढू शकतो कॅन्सरचा धोका
कॅन्सरच्या वाढत्या केसेस सध्या खूप चिंतेचा विषय बनल्या आहेत. पण एक गोष्ट लक्षात ठेवा, कॅन्सर काही एका रात्रीत होत नाही. घातक रसायनांचा सतत संपर्क, चुकीचा आहार आणि जीवनशैली, हार्मोन्समधील बदल, कमकुवत रोगप्रतिकारक शक्ती आणि उपचारांना होणारा उशीर यामुळे कॅन्सरचा धोका वाढतो. फक्त खाण्यापिण्याच्या सवयीच नाही, तर आपण घरात रोज वापरत असलेल्या काही वस्तूंमुळेही कॅन्सर होऊ शकतो. या वस्तू नेमक्या कोणत्या आहेत, ते आपण जाणून घेऊया.
27
प्लास्टिकच्या डब्यांचा रंग उडालाय किंवा वास येतोय? लगेच फेकून द्या
आपण घरात अन्न साठवण्यासाठी प्रामुख्याने प्लास्टिकचे डबे वापरतो. पण यात गरम अन्न ठेवल्यास किंवा मायक्रोवेव्हमध्ये अन्न गरम केल्यास आरोग्याला मोठा धोका निर्माण होतो. जुने झालेले किंवा मायक्रोवेव्हसाठी योग्य नसलेले डबे गरम केल्यावर त्यातून BPA सारखी रसायने आणि मायक्रोप्लास्टिकचे कण अन्नात मिसळतात. ही रसायने शरीरातील हार्मोन्सचे संतुलन बिघडवतात आणि पेशींचे मोठे नुकसान करतात.
37
कोटिंग खराब झालेले नॉन-स्टिक पॅन वापरणे टाळा
आजकाल बहुतांश घरांमध्ये डोसा किंवा चपाती बनवण्यासाठी नॉन-स्टिक पॅनचा सर्रास वापर होतो. हे पॅन वापरायला सोपे असले तरी, ते जास्त गरम करणे किंवा कोटिंग खराब झाल्यावरही वापरणे धोक्याचे असते. जास्त तापमानावर हे पॅन गरम केल्यास त्यातून आरोग्याला घातक असणारे कण बाहेर पडतात. त्यामुळे पॅनचे कोटिंग खराब झाल्यावर लगेच नवीन पॅन खरेदी करा.
हॉटेलमध्ये अन्न पॅक करण्यासाठी ॲल्युमिनियम फॉइलचा वापर होतो
हॉटेलमध्ये अन्न पॅक करण्यासाठी अनेकदा ॲल्युमिनियम फॉइल वापरतात. कधीतरी याचा वापर करणे ठीक आहे, पण आंबट पदार्थ सतत ॲल्युमिनियम फॉइलमध्ये गुंडाळून ठेवल्यास अन्नात ॲल्युमिनियमचे अंश मिसळण्याची शक्यता असते. ॲल्युमिनियम फॉइलमुळे थेट कॅन्सर होतो असे सिद्ध झालेले नसले तरी, त्याचा अतिवापर टाळणेच योग्य आहे. याऐवजी तुम्ही स्टीलच्या डब्यांचा वापर करू शकता.
57
एकदा वापरलेले तेल पुन्हा पुन्हा गरम करणे टाळा
आपण अनेकदा तळण्यासाठी वापरलेले तेल पुन्हा पुन्हा गरम करून वापरतो. पण असे केल्याने तेलात अल्डिहाइड्स आणि ऑक्सिडाइज्ड फॅट्ससारखी घातक संयुगे तयार होतात. ही रसायने कालांतराने शरीरात सूज (inflammation) आणि ऑक्सिडेटिव्ह स्ट्रेस वाढवतात. त्यामुळे एकदा वापरलेले तेल पुन्हा जेवणात वापरणे नक्की टाळा.
67
प्लास्टिकच्या बाटल्यांचा सतत वापर करणे आरोग्यासाठी हानिकारक
प्लास्टिकच्या बाटल्या उन्हात किंवा जास्त उष्णतेच्या ठिकाणी ठेवू नका. तसेच एकाच बाटलीचा सतत वापर करणेही टाळा. कधीतरी या बाटल्या वापरल्याने फारसा त्रास होत नाही, पण गरम झालेल्या किंवा जुन्या प्लास्टिकच्या बाटल्यांमधून सतत पाणी पिणे आरोग्यासाठी खूप घातक ठरू शकते.
77
काही मेकअप उत्पादनांमध्ये घातक रसायनांचा अंश असू शकतो
आपण रोज वापरत असलेल्या मेकअप उत्पादनांमुळे थेट कॅन्सर होत नसला तरी, काही उत्पादनांमध्ये विशिष्ट रसायनांचे अत्यंत सूक्ष्म अंश असू शकतात. कंपन्या जेव्हा हे साहित्य बनवतात, तेव्हा पिगमेंट्स आणि पावडरमध्ये शिसे (Lead), आर्सेनिक आणि कॅडमियम यांसारखे घातक घटक नकळतपणे मिसळले जाण्याची शक्यता असते.
