Saree Draping: एकाच साडीत मिळवा ५ वेगवेगळे लूक, नेसण्याच्या सोप्या पद्धती

एकाच साडीला प्रत्येक वेळी नवीन स्टाईलमध्ये नेसायचंय? मग साडी नेसण्याच्या या वेगवेगळ्या पद्धती तुमचा लूक पूर्णपणे बदलू शकतात. या स्टाइल्समुळे तुम्हाला पारंपरिकतेसोबतच मॉडर्न आणि ग्लॅमरस लूक मिळेल.

साडी हा भारतीय महिलांचा सर्वात सुंदर आणि एव्हरग्रीन पोशाख मानला जातो. बदलत्या फॅशन ट्रेंडनुसार, आता फक्त साडीचं डिझाइनच नाही, तर ती नेसण्याची पद्धतही खूप बदलली आहे. एकच साडी वेगवेगळ्या स्टाइलमध्ये नेसून तुम्ही प्रत्येक वेळी नवीन आणि स्टायलिश लूक मिळवू शकता. तुम्हालाही प्रत्येक कार्यक्रमात हटके दिसायचं असेल, तर साडी नेसण्याच्या या ५ पद्धती नक्की ट्राय करा.

एव्हरग्रीन आहे क्लासिक निवी ड्रेप

निवी ड्रेप ही साडी नेसण्याची सर्वात लोकप्रिय आणि पारंपरिक पद्धत आहे. यातील सुंदर प्लेट्स (निऱ्या) आणि खांद्यावर व्यवस्थित घेतलेला पदर प्रत्येक बॉडी टाइपवर छान दिसतो. ऑफिस, पूजा, लग्न किंवा फॅमिली फंक्शन, प्रत्येक प्रसंगासाठी ही स्टाइल परफेक्ट आहे.

बेल्टेड साडी देईल मॉडर्न टच

तुम्हाला पारंपरिक पोशाखात फ्युजन लूक हवा असेल, तर बेल्टेड साडी हा एक उत्तम पर्याय आहे. कमरेवर स्टायलिश बेल्ट लावल्यामुळे साडीची फिटिंग चांगली दिसते आणि संपूर्ण लूक अधिक ग्लॅमरस वाटतो. कॉकटेल पार्टी आणि रिसेप्शनसाठी ही स्टाइल एकदम परफेक्ट आहे.

हे पण वाचा- श्रावण फॅशनमध्ये हवाय एलिगंट लूक? करिश्मा कपूरच्या ५ ग्रीन आऊटफिट्सवरून घ्या टिप्स

धोती स्टाइल ड्रेपिंगने दिसाल सर्वात वेगळ्या

धोती स्टाइल साडी सध्या फॅशन ट्रेंडमध्ये आहे. यामध्ये साडी धोतराप्रमाणे नेसली जाते, ज्यामुळे पारंपरिकतेसोबतच एक मॉडर्न फ्युजन लूक मिळतो. हलकी साडी आणि स्टेटमेंट ज्वेलरीसोबत ही स्टाइल खूपच आकर्षक दिसते.

मरमेड ड्रेपिंगमुळे मिळेल स्लिम लूक

तुम्हाला तुमचा फिगर हायलाइट करायचा असेल, तर मरमेड ड्रेपिंग स्टाइल ट्राय करा. यामध्ये साडी शरीराला फिट बसते आणि खालच्या बाजूला हलका फ्लेअर येतो, ज्यामुळे तुमचा लूक अधिक आकर्षक दिसतो. पार्टी आणि लग्नसमारंभात ही स्टाइल खूप पसंत केली जाते.

हे पण वाचा- श्रावणात हिरव्या रंगासोबत नारंगी रंगही का आहे खास? पाहा ६ सुंदर साडी कलेक्शन

ओपन पल्लू स्टाइल देईल रॉयल लूक

ओपन पल्लू ड्रेपिंग ही साडीचा सुंदर काठ आणि डिझाइन दाखवण्याचा एक उत्तम मार्ग आहे. सिल्क, बनारसी किंवा ऑर्गेंझा साड्यांवर ही स्टाइल खूपच आकर्षक दिसते. हेवी नेकपीस किंवा झुमक्यांसोबत ही स्टाइल कॅरी करून तुम्ही सहज रॉयल आणि ग्रेसफुल लूक मिळवू शकता.