मायक्रोवेव्ह खराब होण्याआधी वाचा! या ५ वस्तू 'बिनधास्त' वापरा, पण बाकीच्या वस्तूंना चुकूनही हात लावू नका!

Microwave Safe Utensils: जेवण सोप्या पद्धतीने बनवण्यासाठी आणि गरम करण्यासाठी मायक्रोवेव्ह खूप चांगला आहे. पण, तो योग्यप्रकारे वापरला नाही तर लवकर खराब होऊ शकतो. चला तर मग जाणून घेऊया मायक्रोवेव्हमध्ये वापरता येणाऱ्या ५ वस्तू कोणत्या आहेत.

काचेची भांडी

अन्न गरम करण्यासाठी मायक्रोवेव्ह-सेफ काचेची भांडी उत्तम आहेत. यामुळे कोणतेही रसायन अन्नात मिसळत नाही आणि उष्णता योग्य प्रमाणात पसरते.

पेपर टॉवेल

मायक्रोवेव्हमध्ये अन्न गरम करताना ते बाहेर सांडू नये म्हणून पेपर टॉवेलने झाकता येते.

सिलिकॉनची भांडी

सिलिकॉनची भांडी वापरायला आणि स्वच्छ करायला सोपी असतात. ती मायक्रोवेव्हमध्ये वापरता येतात.

प्लास्टिकची भांडी

काही प्लास्टिकची भांडी उष्णतेमुळे वितळतात आणि त्यातून विषारी पदार्थ बाहेर पडतात. पण 'मायक्रोवेव्ह सेफ' लेबल असलेली भांडी वापरता येतात.

सिरेमिकची भांडी

मायक्रोवेव्ह-सेफ सिरेमिक भांड्यांमध्येही अन्न सहज गरम करता येते. ही भांडी उष्णता टिकवून ठेवतात आणि यातून विषारी पदार्थ बाहेर पडत नाहीत.